الشاعر / عبدالعزيز المحارب
لبيه وأرحب يا هلا
يسعد صباحك مع مساك
ي الله عساني ما اخلا
من زولك وطلت حلاك
شاريك من بد الملا
من بينهم انت الملاك
ابختصرها من إلى
لو تطلب عيوني فداك
حبك بنيته بالعلا
سمو لك ولمستواك
ما ياصلونه لا ولا
يبطي عظم غيرك معاك
رقمك مسميه الغلا
بين الاسامي من غلاك
من بيننا .. عهد.. و ...ولا
وأخذ وعطا لكن... جفاك
طالت ترى .. ماهي حلا
بلا سبب ...ماذا دهاك.؟
أدق وأرسل لك...... على
واتساب جوالك ماجاك
تقرأ الرسايل .... والبلا
مخفي ظهورك .. وشبلاك
فكري و بالي ..... م سلا
عيني عليك و من وراك
يكفي عساني..... م اخلا
قلي .. وش آخرها معاك