ياسعيد في موجز النشره يفوز القوي
لكنه احتار فكري في تفاصيلها
قالوا شجرْة الفواكه جنيها مستوي
لكن ماتشبع الجايع محاصيلها
سفر البقمي
يا صاحبي ياسفر والدرب خله سوي
لو تسمع النشرة اللي بان تحليلها
والشجرة اللي رماها بالحجر فوضوي
يتبع لهفوات ناسن زاد تطبيلها
سعيد المحطب
انا مع القافله في دربها المستوي
ولا الد في اللي تنابحها وتوميلها
لكن عدٍ عليه القوم دعدٍ روي
اشوف ركضاتها لسرجت خيلها
سفر البقمي
خابرك رجل مع اهل العرف دايم خوي
قومٍ من اجدادها يظهر فعل جيلها
والعد ما يارده راع الرشا الملتوي
تقصر حباله ليا دارت محاحيلها
سعيد المحطب
العرف ورثي وانا من منهله مرتوي
ومنصى المناعير لضاعت دواليلها
وحبلك مع اهل المعرفه ياسعيد رهوي
وابطت دلالك ولا ذقنا فناجيلها
سفر البقمي
والنعم فيكم ونجمك بالسماء مايهوي
وحنا سماءالمجد جبنا الجدي وسهيلها
دامك كسبت الخوي اللي عليك حموي
البن والهيل لا تكفا معاميلها
سعيد المحطب