محاوره بين الشاعر: سعيد المحطب والشاعر: مخلد الغنيم
الشاعر: سعيد المحطب
اشوف المخ لد لمخلد وعيني تناظر فوق
علشان الشعر والفكر دام الملعبة حيه
نبي ندمح خطأ المخطي ونمسح عبرت المخنوق
سلوم اجدادنا تبقى لكن النية النية
الشاعر: مخلد الغنيم
الا باللي تعلت نظرتك يم السما برفوق
انا ابسري معك لامن خلصت من العزيزية
الا ياصعب تبرير الخبر لامن غدا ماثوق
والاصعب لو تعجل بالقرارات المصيرية
الشاعر: سعيد المحطب
تغير خيول من يم الجنوب وتعتزي بالبوق
لكن الشرع حكمه يقطع يدين الحرامية
تحيزم وانت تدري ياعميلي ويش وسم النوق
على ضو الكلام تموت بنت الفعل بالفية
الشاعر: مخلد الغنيم
الا شفنا القوي الفذ ما ياقف مع المسروق
نبي نلغي دروسٍ في مناهجنا الدراسية
اعرف ان الذهايب والوهايب بينهن افروق
لكن المشكلة لو صارت الدعوى سياسية
الشاعر: سعيد المحطب
نشوف الفذ صار اليوم مايسمع ولاله ذوق
موانيه الغزيره عودت بالحكي سطحيه
ذهب منها الذهب مدري لحقها بفعلهم ملحوق
ليا صارت سياسة هات بالافكار مرثية
الشاعر: مخلد الغنيم
ترى والله مانعلم من السابق من المسبوق
قضية ماقضت لو هي بطولتنا محلية
الا يالفكر وانت المجتهد في مجمل الطاروق
اشوف ان اليمن ماهي على غير اليمانية
الشاعر: سعيد المحطب
تقوله وانت تدري بان قرص الارملة محروق
ماهي من باب صدفة بالتعابير الخيالية
صنع عدن اليمن رجلٍ سرق مايحفظ الصندوق
لكن أكبر طموحه بالشعر كلمه وقافيه
الشاعر: مخلد الغنيم
على اللي في قياسه جاهل .ن.ماكل ثوب يلوق
ولو انه تباهى بالقماشات الحريرية
الا ياصاحبي كل المعادن تنعرض بالسوق
وتعرف خبرة الصايغ ذهبها والنحاسية
الشاعر: سعيد المحطب
صحيح الجاهل يعلم ويبقى للعلوم حقوق
علشان التفاصيل المهمة والقضائية
تخايل في سماء نجد العريضة لك رعد وبروق
لكن الوقت يفرق بين وسم وبين صيفية
الشاعر: مخلد الغنيم
ترى الشرهة على اللي واقفٍ في بابه المغلوق
ترى المفروض مايسمح لتمرير الحونشية
انا ماني مدور كلمة المختل والمطفوق
ولو ننبش لقينا بالرماد الجمرة الحية
الشاعر: سعيد المحطب
عطيتك فلسفة سقراط واترك عنك برق وروق
على هامش سراب القيض والافكار حصرية
تخطينا المعارك وانت تدري جعل مالك عوق
نعزي من هلك والمعركة ماهي عدائيه
الشاعر: مخلد الغنيم
وانا ماني بلجنة شاعر المليون بدر صفوق
ولا اجهل فلسفة شاعر له ايحاءات رمزية