محاوره بين الشاعرين :
الشاعر :#حمود_حفر
و
الشاعر: جلال عايش
حمود ابن حفر
دام القمر غاب ياجلال سوق الجزيل
النجم يسطع ليامن غاب نور القمر
الحمله اللي لفتكم لوتحط وتشيل
ماتنبت القاع لامن فات وسم المطر
جلال ابن عايش
ان غاب نور القمر للذيب يلقئ حصيل
والذيب له هجدتن قبل يجيه السفر
الحمله اللي لفتنا كل ابوهااا جميل
والضان ماربعت في وقت كله دهر
حمود ابن حفر
من لايحسب الكثيره مايحسب القليل
والعذر مايضهده غير ان عرض له عذر
والمال ماله وجاهه في يدين البخيل
لوقلت خمسه صفر وان قلت عشره صفر
جلال ابن عايش
اللي معه حيل ما هو مثل من دون حيل
والعلم ما يضهده ياكود رجلن بحر
العلم مناخذه لا من لفا بلا دليل
والعلم جبته ولا له منك وجه وظهر
حمود ابن حفر
من عذربك يالاصيله شخص ماهو بصيل
والمسلم اللي حفظ ذمته ضل وكفر
الدفن مايظهره شاعر هجوسه حليل
جلال لوصام له يومين عطش وفطر
جلال ابن عايش
ما يغطي الطيبه بالثانيه يالقبيل
ياكود من ذمة شرواك ي ابن الحفر
ي زين هرج الصراحه منك لو هو ثقيل
الله يهديك دايم بالصراحه تقر
حمود ابن حفر
لاصرت بالقيض حافي لاتحذف الصميل
لونسمته غرتك واذهلك سر الخبر
الشك قاصر ونظراتي تعداه حيل
مير البقر تكرم الحضار تبقى بقر
جلال ابن عايش
ماني من اللي يوصونه وانا المستحيل
ارقئ علئ هاامته واقول وش يعتبر
الشك قاصر ترا عنا وعنكم يزيل
والهرج بعضه ترى من الله يشكل خطر
حمود ابن حفر
ذكرتني بعد بيتك شاعرن من هذيل
شاعر فصوغ البيوت الطيبات اشتهر
يابحر من بعد ماغصناك مالك مثيل
قاعتك غبه عميقه ماوصلها بشر
جلال ابن عايش
عزالله انك ماتبغى لك كفيل ووكيل
لاقمت في حزة الوقفات تنحت صخر
اختامها بشكرك ثم اذكرك ياشعيل
الله يكثر من امثالك واقول الشكر