... حمود ابن حفر ...
ياابن جابر لابغيت الصدق واهروج الحقيقه
مالقيت اللي هجوسه لاسبحت ابها خذتني
كل شاعر له نظر بالشعر واسلوب وطريقه
مير ثق شعااار شدت هاجسك ماحركتني
... احمد ابن جابر ...
كااان صدرك من كثير اللي تكنه فيه ضيقه
اسمعك ولا اسفهك دام الاذاني سامعتني
يا طوويل العمر ماكل" تبي نفسك تطيقه
اكثر الشعاااااار لااا وافقتها ولااا وافقتني
... حمود ابن حفر ...
الذهب بين المعادن يجذب اعيوني بريقه
والمعادن كم وكم جاملتهااا ماجاملتني
يابن جابر يتعب العراف تركيز العليقه
دنيتك كم علمتك ودنيتي كم علمتني
... احمد ابن جابر ...
يتعب الرجااااال لجل المرجله ويبل ريقه
والعلوم اللي تنومس شجعتك وشجعتني
المجامل لو يقوي شوكة النفس الرقيقه
كاان شالت حملها يا حمود ولااا حملتني
... حمود ابن حفر ...
ياوسيع المعرفه ماخذ بيمناااك الوثيقه
دام متنك يحتمل شيل الثقيله مثل متني
ابتلشنا يابن جابر في جهل بعض الخليقه
من غشامتها لياجنبت عنها صادمتني
.... احمد ابن جابر ...
لا تحمل فوق ( حملك ) يا جمل ما تستطيقه
ولا تقول إن الهقاااوي من سعتكم ضيعتني
من يعكس السير في ممشاه جعله في حريقه
ماا تعدل خطوت اللي ( مبلشتك و مبلشتني )
... حمود ابن حفر ...
اتوانئ فالمعاني معك وااافكاري عميقه
ومن جهتكم لوتجيني حملتن مازعزعتني
لايردك عن تذواق العسل هيبة رحيقه
ثم لاجتك الثقيله قلتلي من وين جتني
... احمد ابن جابر ...
التأني مايرد الثاااانيه لك و الدقيقه
انتبه لاتقول دورات الليالي وهقتني
زبدة الموضوع ما بين الضلاعين الشهيقه
والحمول الجايره يابن حفر ما بركتني