رجـلٍ غيابه هـز للدوله اركـان
من غاب عنها كنها المستحله
اول لها جيشٍ تحاشاه عدوان
من سطوته منذ الازل مستقله
الفعل غير الهرج والناس برهان
قليل راس المجد أحـدٍ وصله
اللي تغنّى في خبر كان ماكان
جده توفّى هل يسد فـ محـله
ما يجتمع حـقٍ مع راع بهتان
من يتبع الاهواء من دون مله
يجزي هل المعروف صدٍ ونكران
يكـرم لحى من ذاق منهم مذله
اعمى البصيره ماتقديه الاعيان
تايـه بغـّيه ..كيف دربه يدله ؟
العـاقل مكّلف بتنفيذ الاركـان
كان الجسد مايشتكي فيه عله
اللي تمادى ثم فرط لها اعنان
أمـارته.. تجتاااح للذنب كـله
تصّور ذنوبه كما ثمر بستان
واللي تبع دربه ..أعز الاخله
واللي نهاه معقّد الفكر فتان
شيطـانه يصوّرره صياد زله
من قبل مـايرفع كفنا بالامتان
نحمل لبيتٍ للبشر مرررجـعـله
النصح لامن جاعلى نظم الاوزان
يمـكن؟ لأكثر من شريحه وصله
لايشترط يكون للشاعرحصـان
يكفيه نشر الحق مع ذكر ادله
استغفرالله من نزغ كل شيطان
من عبرتٍ وسط الحشى ماتمله
يالله حسن الخـاتمه أنت رحـمن
عن موت بغته لاحضرمن فطن له
استغفره واطلبه عفوه وغفران
في ساعةٍ كلٍ بـ يعرض سجـله

عوده عيد الهزيمي

////////////////////////

رجل " غيابه ما يقدر با لاثمان
دونه حياة الكون والناس لله
على سياق الشعر وبيوت ب و زان
قدح الاديب اللي صعيب " نمله
له كلمة " مثل العلم فوق ما بان
حكيم دربه محكم " بالادله
جاب الجزال وجاب قافه على ان
مثل الجدي ثابت محله محله
قريت مكتوبه ولدرس عنوان
والبيت يقرا مالزوم " نشله
دين " على المديون و نسد ديان
ماجاز لك خوذه وما شان خله
امن التجارب شفت شوف " بالاعيان
جيتك وعبرات الحشاء به تتله
ان قلت لي سلطان من تحت سلطان
والهرج يكثر وادري الهرج عله
بينت لي نيشان وحط نيشان
واقول بيت الطين ماصار فله
هذا وانا شاعر وحطيت ديوان
والصيد جله والشعر منك جله

لشاعر مطرالطرقي الجميلي