محاوره بين الشاعرين :
الشاعر : حمود بن حفر
و
الشاعر : نواف بن محمد
نواف ابن محمد
سلام تسليمتن بالعدل من دون ميل
اقولها من هجوسٍ ماهي بحايره
ياحمود قم واستعد لاحان وقت الرحيل
والرحله مسنعه من كبتن الطايره
حمود ابن حفر
الكم تراحيب ماها يشبه السلسبيل
من شان تنعش هجوسٍ حايره بايره
قمنا معك والجواز ابشنطته كل ليل
وجه بنا مستطيل وجنب الدايره
نواف ابن محمد
دام البقى وانت اظنك ماتشوف وتخيل
وشلون لامن مشينا تقدر تسايره
القدس فيها قبور الانبياء والخليل
ياحمود جاروا بها يهودها الجايره
حمود ابن حفر
اخيل ياصاحبي مد الغنى والبخيل
واليا التمس مخ راسك دنلي وايرره
القدس ياصاحبي فيها شجاع وذليل
تشكي هلابيج ماهي للعدا ثايره
نواف ابن محمد
دامك تشوف الطريق ولك عيون ودليل
السالفه فوق راسك صايره صايره
بالسيف راحت ولا ترجع ياكود بصقيل
ماهي سواليف وده هاته ونايره
حمود ابن حفر
ان قلت فيك البلا وان قلت مافيك حيل
مستور شايرك مدري هاجسك شايره
خابرك مره غزال وست مرات فيل
هل يعقل السبع جيته فالخلا زايزه