مجاراه بين الشاعرين الشاعر عيد عقلا الماجدي ورد الشاعر براك عياد الجميلي
يابومحمد باح سدي وببديه
يبن الرجال اللي تروم الطويلات
هاك الكتاب ابيك تقرى معانيه
حيثك اديب ومنك نبغى شروحات
دونت مكتوبي وبي شرحكم فيه
ابي اتسلى معك في نظم الابيات
يابومحمد لي صديقن مخاويه
قضيت انا وياه عده سناوات
شخصن موافيني واشوف الوفاء فيه
دايم معي بالعسر قبل المسرات
غلاه بعروقي ودمي جرى فيه
مشيدن بين الحنايا عقارات
غلاه مثل النبض للقلب تنبيه
يعني هو اللي للمشاعر مجسات
ياخوك يا براك طبعه يحليه
ومواقفه وقت الشدايد مطمات
يابو محمد مثل هاذا شجازيه
لا صار له غير المحبه جمالات
يفداه منهو ضاعت امالنا فيه
ويفداه منهو ماكسب له مروات
ترى الوفاء يالقرم صعبن نلاقيه
ياليت ربي حط فيهم علامات
كم واحدن يطق صدره بكفيه
تقول هاذا يرتكي للمهمات
من / عيدعقلاالماجدي
لخيه الشاعر/براك عياد الجميلي
////////////////////
يامرحبن بلي نصتني قوافيه
الشاعر اللي خط لي بالسجلات
جزل البيوت اللي من الدرناقيه
ناقيه من جم البحورالغزيرات
هيض مشاعرهاجسيقبل اجاريه
يمدح صديقن مخلصن حي مامات
مالوم عيدن لوفتح لي خوافيه
قبله فتحت الخافي المستحيلات
زرع الضمايرلانشف ماه يسقيه
يبري الجروح اللي قبلك خفيات
اللي لياغابت تلافت طواريه
نومك قبل تاصل دياره مراوات
مامن صديقن غير خلن مصافيه
لوقلت لا ياعيدصك الملفات
هاذامردالطيب ياجاهلن فيه
بالسجن من عقب الفجوج الوسيعات
والسيل يجري مع مسايل مجاريه
والمعذره لوفيه نقصن وكسرات/ رد الشاعر براك عياد