الشاعر : عبدالعزيز المحارب
ماتدري انك ... من تغيب
عايش أحس .. اني غريب
وجو الحفر.. عقبك كئيب
هذا وانا ......وسط الحفر
ي فرحة البال ... التعيس
شوفك مثل يوم الخميس
زودن على الفرحه ونيس
وينزاح... همي والكدر
بالناس ... ماغيرك يمون
ان كانهم ..... مايسمعون
يرضون .... والا يزعلون
أعلنتها .... ب المختصر
بين الحنايا ... لك مكان
عايش به. . سنين وزمان
ي راحتي .. قربك اماان
ي امنياتي .. ب العمر
ي أم العيون .. الذابله
هايم متى .. المقابلة
اليوم ... والا القابلة
كم لي وكم.. وانا انتظر
مشتاق لك اي .. بالحرام
عزي لمثلي ... م يلام
لو طنش .. وخلا الدوام
وقت اللقا .. ماله عذر
من انظر .. لعين الظبي
انسى ش اقول ويش ابي
اللهم صل .. ع النبي
عدد .. هماليل المطر
اسولف ولاادري ش اقول
من نظرته جاني ذهول
والمشكله... ماني خجول
من شي اشوفه ي بشر
بستان فيه من الوصوف
ب اعلاه كل شي تشوف
وانزل تحت لين الردوف
تاقف فروعه بالخصر
وقفت انا... الى هنا
أعوذ من قولت انا
نفسي جنيت لها العنا
ودي .. ولافيني صبر
يعني اختصار .. المسألة
عايش ماعندي مشكله
واللي م اعرفه .. اجهله
يارب .. طالبك الستر
أعوذ بالله .. العليم
من كل شيطان رجيم
ومن الهوى وكيد الحريم
ومن الفقر ومن القهر