الشاعر : مخلد الغنيم
قال من ترسل تعابيره فنونه
سخر القيفان له حسب الارادة
شاعرٍ الابداع لا هاضت شجونه
تشهد احلى مفرداته بانفراده
الهوى في خاطري حرك سكونه
والقصيد بخافقي ذعذع براده
الهوى مااعرف انا طعمه و لونه
الوكاد ايصير به سكر زيادة
الغزل .وصف الغزال يصير دونه
ماقدر يستوعبه رغم اجتهاده
في وديع الطبع في حلو النمونة
في حسين الدل في صافي وداده
كنه الرّمان في ميلة غصونه
واهني من يقطفه باول حصاده
ينتشي فله ويرقص زيزفونه
في صباح غردت شمس السعادة
في عيونه يدخل الله يا عيونه
الدمار الشامل وحرب الابادة
ان ضحك لي ضحكـة الطفل الحنونة
يستوي هالكون حيه مع جماده
يا صغر سنه وتعبيره يخونه
هام قلبي فيه ما حصل مراده
ياعسى البراق لا هلت مزونه
مع طلوع الوسم تذكر في بلاده