[align=center]للتواصل مع التحيّه والاحترام
,,

,




على صفوّة هجوس الليل ساهر والبشـر نيّـام
تكابدنـي همـوم ٍ جـزّت الولهـان وعيـانـه



انا لي صاحب ٍ ياهل( الهوا ) له بالزمن اعـوام
علامه يقطع اخباره ..ونفسـي حيـل ولهانـه



ثـلاث سنيـن جرّعنـي غيابـه قسـوة الآلام
عسى ماخلاف يانور النظيـر وغفـوة اجفانـه



اخاف من البطى ينسى وتراودني كثيـر اوهـام
على اللي طار عن دوح الوفا ثم سـج بالحانـه



ثلاث سنين طاير هاجسي فـوق السمـا حـوام
فلا وقّع علـى ارض السـلام وضـم جنحانـه



صرخت من الوله ..شوق ٍ صداها واصل ٍ للشام
وطاح الدمع بالـوادي علـى الازهـار ذبلانـه




سكنت الحزن واشجيت الحزين ووردي الاحـلام
وكبلت ابتسامات ..الفرح . والطير . وغصانـه
,



,

انا يكفي اكون انسان فيني من الاسـى اكـوام
وفي .. ماخان في وقت ٍ .. كثير الناس خوانه!!


,,

[/align]