محا و ره بين الشا عر ين

سعد نا فع النصا في

و ا لشا عر ا حمد ر شيد

.................



سعد النصا في

ياسلام الله على الربع الكـرام
والتحيـة للكبيـر وللصغيـر

أولـه سـلام والثانـي كـلام
والهدف مربـوط في مكـره وسيـر

ا حمد ر شيد

مرحبا بك ياخطيب ويا امام
والاداره مالها غير المدير

هات ماعندك بعد ماالحظ قام
يوم قادك ياولد سلك الحرير

سعد نا فع

أهـرج وأبهـرج معـك حسـب النظام
ماش مخـرج لافـر ولا مطيـر

لـو تجـر الصـوت وتصـح النيـام
الاخيـره باقيـه عـند الاخيـر

احمد ر شيد

عارفين النور جلاي الظلام

يوم غيري ضاع ماعنه دوير

صوتي اللي مختفئ وقت الزحام
مير دورلك يابن نافع شوير

سعد نا فع

أن رقـد حظـه قعـد لا قعد حظـه ينام
واحد يْطالب وألـآخر يْعالـج بـه كسيـر

أعـرفـك قـوي عـزمٍ لاجـاء وقـت الخصـام
أشـبـر أبعـزك نخـل الشويـر يلعـن شـويـر

احمد ر شيد

انت توك ياصحيب ترا بسن الفطام
يوم قل الهرج يكفي عن الهرج الكثير

حولت بك فوق الرداف من عال السنام
مالقينا من وراكم لا سمن ولا مضير

سعد نا فع

الكبـر بالعقـل منـهو يفهـم الغِـلام
لـلـتفـت صـوبـه خيطـيرٍ أن قلـبه يطيـر

هـذا غيـر يابشـر ماعلا الدنيـاء مـلام
أركـد أركـد قبـل احمـلك لك حملٍ عسيـر

ا حمد ر شيد

الشعر لا صار ماهو كما نقش الوشام
نعتبر شاعره ماهو علئ شعره خبير

مايدس الراس فالارض ياكود النعام
وحملك اللي قلت فوق ظهرك ياذا البعير

سعد نا فع

الشعـر معنـى مـاهـو قـاف ياهاها ههـام
مـاحسبت اطلق شنـب لـو يصيـر االلـي يصيـر
الـوعـد قـدام والختـم فـي حسـن الكلام

أضـرب أحسـابك مـعك شاآعـر المعنـى الْخطيـر

ا حمد ر شيد

انت لونك توصئ ترا ضاع البهام
لافتلنا بشنب ياعميلي تستخير
مالحقني ضيم وانته توقع لا تضام
لا لحقك الضيم انا لك ترا سيفن شطير