قصيدة الشاعر / صايد بن مصلح الفهيد بمناسبة زواج الأخ : مسيعيد بن فهد الفهيد الجميلي
بسم رب البيت بالخالق بديت
ومن جزيلات الشعر صغت ونقيت
لجل منهو لو طلب روحي عطيت
الشجاع القرم زيزوم العيال
ياهلا بضيوفنا واللي حظر
ومن حداه الظرف عنا واعتذر
مرحبا وعداد همال المطر
وعد ماهبت نسانيس الشمال
بالرجال اللي لهم قدر ووقار
بالحرار اللي تسلسل من حرار
من قريب ومن بعيدين الديار
لادعا الداعي يجون بكل حال
ياعسى الله يحفظك يابو فهد
يامسيعيد الفهد طير السعد
فهد ابن فهيد للعليا صعد
مكرم الضيفان شيّال الثقال
نسل ابو باطح هل القدر كبير
معطي المحتاج ريفٍ للقصير
من نصاه بلازمٍ يبشر بخير
ياعساه بجنه وستر وظلال
وجدك مسيعيد حي الله نباه
مايخيب اللي تعنا له وجاه
فزعت المضيوم لاجا في ذراه
شايع ذكره على طول الليال
لابتي يا حي لابه يالجميل
كاسبين الطيب والمدح الجزيل
عون للعاني مزبّنت الدخيل
اعقدا قوم من خيار الرجال
والقبايل كلها خير وسعد
والنعم فيهم ومن يزرع حصد
والختم بالواحد الفرد الصمد
بالله العالم ولله الكمال