الشاعر : يوسف المعطاب
الطيب عزّي لمنهو بالردى باعه
شراه عزٍ وبيعه ذل الانساني
والنفس يومٍ سليم ويوم ملتاعه
عيّاا الهوى يستدير ب مر الازماني
القلب فر وتهيّض داخل اضلاعه
فرّت قطاةٍ قفاها فرخ شيهاني
لقيت ب الناس قطّاعه ونفّاعه
ان طاب الاول معك ما يطهر الثاني
والاصدقاء بين جزّاعه وفزّاعه
من طاب فيني ومن لفلف وخلاني
لا جيت عند السنافي لو ربع ساعه
كنّه يعرفك ليا من صرت عمساني
لا قلت له سوّ قال السمع والطاعه
حاجتك مقضيّةٍ لو كان ما كاني
مرافقي له يزيل الهم واوجاعه
وشرواه عندي يساوي كم عرباني
اروح واعود له واطباعه اطباعه
اطيب من اللي على خبري وذيباني
كم من خويٍّ طلع من ناس خدّاعه
وانا احسب انه من ربوعي وصدقاني
الود والطيب عنهن قاصر ذراعه
حيّال معروف بالحيلات شيطاني
نفسه على اللي بخافِي الجيب طمّاعه
ورد الجزاء لا قضا صدّه وحقراني
وليا نخيته غطاا عينيه ب اصباعه
تشوف منه العفانه شوف الاعياني