قصيدة الشاعر : محمد ناصي
تصادم الافكار بالراس العنيد
والمشكله بالراس شي ما انقوى
ان قلت هود قال تخلف بالوعيد
يومك تقول انطح بنا صلف الهوى
والله لمتع كل سامع للقصيد
واشرح له الصوره بكل المحتوى
الطيب زرقت رمح ذا علمٍ اگيد
وإلا الردى ماقيل راعيه ارتوى
لا نافعٍ غيره ولا هو مستفيد
لافآرجٍ كربه ولا مشبع خوى
الطيب يبقى لگ بهالدنيا رصيد
كلن يجي رزقه على ماهو نوى
خوة هل الناموس والعقل الرشيد
عن خوتن تنبآع بارخص مستوى
ما كل رجالٍ يجي باسه شديد
ولاكل من لوح على الهجن استوى
احدٍ بهالدنيا وجوده ما يفيد
واحدٍ وجوده مثل توليع الضوى
رجلٍ على الشدات قاسي مايبيد
ورجلٍ اليا ضاقت به الدنيا انعوى
والمجلس اللي ماتحصل به حصيد
فرقآه خير گان مالگ به دوى
مجالس اهل الخير عنها لا تحيد
تلقى المعزه والشرف فيها احتوى
يا الله غفرانگ قبل يوم الوعيد
العمر لو طول ليومه وانطوى
مجاراة الشاعر : خلف الخليفه
هلا يابو ناصي عسى يومك سعيد
يشوق عمهوج من البيض اشغوى
هيضتني بالشعر والنظم الفريد
جواهرٍ قلبي لمعناها اهتوى
والذيب يامنه عوى في راس حيد
كل الذياب اللي سمع صوته عوى
وانا عضيدك يوم كلٍ له عضيد
وانا يمينك كان هو غز اللوى
احدٍ يهوم ودايمٍ طلعه بعيد
واحدٍ يهوم ليا بغى القومه ثوى
وكلٍ يريد ويفعل الله ما يريد
ومدبره ربٍ على العرش استوى
من خلقت الدنيا بها عبدٍ وسيد
ذي قسمت المعبود فلّاق النوى
والصاحب اللى بالوازم ما يفيد
خله يولي لو به الحبل التوى
الطيب وهبه والردى وهبه وازيد
ومالك ومال اللي لمعناهن غوى
ومن قال انا سيد البشر فاله صديد
يجيه اسد ليا مسك حلقه صوى
العلم كثر وصارت الغفله تزيد
واشوف لب العرف بالعالم ذوى
احد يصيد الصيد واحدٍ مايصيد
واللى رجا منه العشى بات القوى
الله يكافينا مصايب كل كيد
ويعز دولتنا ومع شعبه سوى
بظل السعود اللي لهم رايٍ سديد
حماية المضيوم من كل القوى