الشاعر : عبدالعزيز المحارب
سبّة افراق كلمه قلتها له مزوح
مزحةٍ قلتها له كيف لو هي صحيح
كان قصده فراقي وإلا ناوي يروح
خيرةٍ لي عساها من هواه استريح
عظم الله حبٍ عاش ما فيه روح
ويرحم الله خفوقٍ من سببك ويبيح
يوم حبك تعرفه بالمواصل شفوح
وش علامك يا قاطع في وصاله شحيح
خيم الجرح ينزف من جفاك وينوح
في عيونك تشوفه من عيونك طريح
بالضماير هجوسٍ لا ذكرته تبوح
يا حبيب الضماير ما شكى المستريح
لو تزيد المواجع وش تفيد الجروح
مابقى غير دمعه في عيون الجريح
كلمتين اختصرها والعذر والسموح
شلت قدرك ولكن لا رفعتك تطيح