ماني على طرد المقفين ملزوم
ولالي عليهم بالمشاريه حاجه
ان كان ربي مكتب رزق مقسوم
رجواي فيهم مثل كسر الزجاجه
الطيب عند الناس يذكر ومعلوم
لو نزلو سعره يزيد. بحراجه
ولا الردي نشري فراقه من اليوم
نرخص مقامه يوم حنا نتواجه
لا عاد يشرهلي ولاهو مليوم
ان كان طيبه قد حلقه خراجه
مايورد الظميان من ماه محروم
مايشرب الصافي عدوده هماجه
ياالله يمنشي بروق (ن) بها غيوم
الرزق عندك يا كريم انفراجه
وصلتها للي له العز وسلوم
لا الطيب اللي دوم يضحك حجاجه
لا من حداك الوقت والدهر وهموم
في خاطرن رحبنٍ يزيد ابتهاجه
لبو نهر نطلب عسى عمره يدوم
للمجد والعليا مضوي سراجه
لامن نصيته فا المواقيف زيزوم
مثل اشقرنٍ طلعه بقاعنٍ زراجه
وافي كفوف منقط الصدر بوشوم
ريف النشاما والكرم بزدواجه
يمناه في يسراه لطيب محسوم
فعلن لبوه ولا المواجيب تاجه
من خيرة رجالن من الناس وقروم
مافيهم اللي هرجته با العواجه
يعل يفداله غنين ومحروم
اللي على كثر الردى والسماجه
بقلم ش -------- خالد حامد غشم المحارب الجميلي
مهدا للاخ ابو نهر ------حمد بن حامد بن مطلق العوده الدمعان الجميلي