السلام عليكم أخواني الأعضاء والعضوات
وأعتذر عن كثرة الإنقطاعات وذلل لظروف خاصه
أقدم لكم هذه الأبيات التي آمل ان تحوز على رضاكم


مبداي بالمولى ولا أبدي بغيره* ياخالقن خلقه من أصل تراب
ياخالق الجنة لمنهو يطيعه* واللي عصى بالنار يلقى عقاب
انت الكريم ورحمتك نرتجيها * انت الكريم ومجزلن وهاب
من بعد ذكرك قمت ارتب مثايلي *من شاعر منه أي شاعر هاب
ياسامعين القيل للقيل أنصتوا * للقيل فن وللقصيد اسباب
وانا قصيدي من ضميري نضمته * ما أنخى الغريب ولا شخذت أقراب
شاعر ولد شاعر وجدي شاعر * وأيضن عمامي يطلقون رقاب
نظم المثل عندي مثل سلك وابرة * لا صار تطلقها تخيط إثياب
وانا نظمت القيل قصدي نصايح * وان غبت قيلي حاضرن ماغاب
لاصرت ضيفن فد حق الضيافة.
وإياك منك معزبك يرتاب
أقصر عيونك لاتطالع لداره .
بين النظر و الباب حط حجاب
وان كنت في مجلس فأدب لسانك .
ترى المصايب باللسان تجاب
واياك تسعى يافتى بالنميمة .
راع النميمة عند ربه خاب
وأصبر على ظلم القرايب وهجرهم .
نار القريب ولا نعيم اجناب
واياك تكذب لوعلى قطع راسك .
مايرتفع عند الولي كذاب
واعرف ترى لو صاروا الناس ضدك.
شي مهو مكتوب لك ماصاب
والغيم ماغطى شعاع البيضا .
الشمس تطلع لو منعها حجاب
وصلاة ربي عد ناض بارق .
واعداد ماهل الهلال وغاب
على النبي الهاشمي محمد .
منج الخليقه يوم عرض حساب