السلام عليكم

أعزائي الأعضاء والعضوات أقدم لكم الفيتي الأولى والتي نظمتها بالأمس وهي تجربتي الأولى وقد حاولت

أن أنوع بمواضييعها . وقد ذكرت بناتي بالألفية وبالتحديد بالأحرف ش * غ * ك * هـ

كما أرجوا السموحة أن وجد بها أخطاء غير مقصودة وانا اتقبل اي نقد بها اترككم مع الألفية
[poem=font=",6,blue,bold,normal" bkcolor="transparent" bkimage="" border="none,4," type=2 line=0 align=center use=ex num="0,black""]

الف أولف من كلام جديدي = مثايلن من سمعهن يستفيدي

من شاعرن للشعر اصبح عميدي = يبني بيوت الشعر زافات زافات

البا بلتني بالهموم الليالي = وانا على الضيقة قوي إحتمالي

أصبر على الشدات صبر الاجمالي =أخير ماسمع من عدوي شماتات

التا تمنيت الزمان يتسنع =يصفي معي مايعتذر ويتمنّـع

لاشك وقتي باب الاحقاد شرع =يرسل علي الهم صبح ومسيات

الثا ثمار الحب باول علاقه =لاصتر تعشق من تحبه عشاقه

المر والحالي تهنا بمذاقة =مير إغتنم بالحب أول بدايات

الجيم جفني بالكرى ماتهنا =سبت وليفن بالمحبه فتنا

ياما تمنيته وهو لي تمنا =والحمد للي مجزلن بالعطيات

الحا حلمت إبها وانا في فراشي =وأم العيال بجنبا ياخراشي

قضيت ليلي بالعنا والهواشي =عزيل من مثلي قضى الليل مابات

الخا خبيث الطبع بالك تخاويه=جنب طريقة لا توده وتغليه

عند الجماعه بينات مواريه =جنب طريقه ما بمثله حسافات

الدال درت السند والهند يافلان =ماشفت مثل الصدق منجى ومزبان

لو كان منه تخسر إعيال واخوان =عند الولي تكتب اجورن كثيرات

الذال ذنبي بالمحبه تبعته =وليا طلبني بالعجل قمت طعته

ماتجني الا زرع بايدك زرعته =شيء أكيد ولابه أية مراوات

الراء رساله منه أنهت حياتي =كلمة بسيطه دمرت ذكرياتي

أرجوك تنسى كل ماكان فاتي =ياصاح لا تندم على فايتن فات

الزاء زمانك لو تغير بك ومال =لابد يجي يوم تزين إبه الاحوال

والريح لو هبت فلا هزت جبال =أصبر وعقب الضيق تجني مسرات

السين سل الحال بعد الوليفه =من فرقته والحال مني كسيفه

سنتين وعلومه علينا كليفه =يارب تجمع شملنا عقب غيبات

الشا شهد يابعد ابوك وعمامك =ابوك يفرح يوم يسمع كلامك

خصا ليا منك بديتي سلامك =ترد لي روحي واعيش بوناسات

الصاد صعب أني ابدل بغيرك =أصبح مصيري مرتبط في مصيرك

ربي من صدوف الليالي يجيرك =ونكمل المشوار لاخر نهايات

الضاء ضميري ياعرب مستريحي =لاظالمن نفسي ولاني شحيحي

واكتم هموم القلب لوه جريحي =والحمد للوالي على كل حالات

الطاء طلبت الله يحفظ المسلمين =ويوحد الكلمه وترجع فلسطين

ونعيش بالدنيا ملوك وسلاطين =والاخره نفرح بفوزن وجنات

الظاء ظروف الوقت ضده وضدي =مع كل ذلك ماهظر بوح سدي

لاشك طال فراقنا يامودي =الهم باني في ضمري عمارات

العين علمني زماني على الكد=وإني اكون بكل الاحوال في جد

وأعيش انا ليومي ولا أنتظر غد =لان العمر بايدين رب السموات

الغا غزال الحور شفته بعيني =بالمهد توه ماكمل ساعتيني

بنتي وعد مقرونة الحاجبيني =تسوى من البيض العماهيج ميات

الفا فرج ربك ياجمعه قريبي =سبحان من غذى الطفل بالحليبي

شافي مرض أيوب دون الطبيبي =يفرج لعينن ما أهتنت بالمنامات

القا قطع بي ياجماعه وليفي =وانا معه ماشي بقلبن نظيفي

مغرور يحسب ما لمثله وصيفي =ياكثر من مثله وقع بالمتاهات

الكاف كل الخلق يفدون مزنة =سبحان من كمل جماله وحسنه

كريمتن ماقالوا الناس عفنه =شوفه يزيل من الحشى كل علات

اللام لاصار صويحبك مايريدك =قله عسى الله يبعدك لايعيدك

احذر حباله يافتى لاتصيدك =يعطيك عذب القول وينس بسكات

الميم مجروح الهوى لا تلومه =معذور لو أنه يشقق هدومه

مسكين دايم بالعنى والخصومه =من شاف حاله عدها ضمن الأموات

النون نام اللي من الهم سالي = وانا جلست انظم حسين المثالي

وأرتب القيفان مما طرالي =أصنع بيوتن للنشاما جزيلات

الهاء هلا باللي يسر الفؤادي =هرجه لطيف ومشيها بالركادي

بنتي رغد قولن صحيح ووكادي= له ضحكتن تبعد عن القلب ضيقات

الواو ودي ياجماعة تصلون=على النبي ثمن لجمعه تعذرون

وتسامحونه والبشر دوم يخطون = أن كانه اخطى بالليال القديمات

اليا يعل الله يغفر ذنوبي = وأذنوب كل اللي لربه يتوبي

ويسمح الله ياجماعه دروبي =وأنتم معاي بجاه رب البريات


[/poem]