بسم الله الرحمن الرحيم
السلام عليكم ورحمة الله وبركاته أما بعد...
وهذهـ كذلك من قصائد الشاعر/ محمد بن حمد بن فطيس المري.(المحيط الهادى)
وأتمنـــى أن تنال على أعجابـــــكم,والمزيد من قصائد هذا الشاعر الغني عن التعريف.
بالقريب العاجل.
((،؛،.. من ذوق المحتــــــاج..،؛،))
ماهو بكيفك عقب شيٍ حصلي ..
.. من ذوّق المحتاج يصبر الى احرجْه
خليتني من حلو حاليك احلي ..
.. واصبحت مدمن حب والقلب روّجْه
بين العروق وصار مافيه " ملي " ..
.. الا وله جُرّه تمرّه وتسهَجْه
وذود الغلا في عشب قلبي تفلي ..
.. وتراب صدري للمطر منـْك ما احوجْه
يمحل الى صدّيت ويموت يا اللي ..
.. صديت عنـّه والله احياه واخرجْه
ولي خاطر ٍ يسألـْك من لي ياخلي؟ ..
.. غيبتـْك تلعب به وشوفتـْك تبهجْه
ولي عين حالي دمعها لك يهلي ..
.. وانْ رحْت راحت مالح الدمع تزعجْه
غالي ولا يحتاج بسّك تغلي ..
.. غلاك اخذ قلبي وروّضـْه واسرجْه
ولو قلت ياعيني بصدره تملي ..
.. شافت خفوق ٍ حبك الذرْب توّجْه
وماهو على كيفك عقب ما حصلي ..
.. من ذوّق المحتاج يصبر الى ازعجْه
(عطيتني وجهك وانا جيت كلي ..
.. محروم والمحروم ما ينعطا وجْه)
ودامت المودة ... مع خالص تحياتي