[poem=font=",6,crimson,bold,normal" bkcolor="transparent" bkimage="" border="none,4," type=1 line=0 align=center use=ex num="0,black""]
لا قمت ما تبعد عن القاع مترين = وان طحت وجهك والتراب متساوي
يا طين قلي من متى يكبر الطين =يا طين علمني اذا انت قاوي
حزن الاجابة في عيون المقفين = مارية التوبة بعين العماوي
يا صاحبي دام الالم غاب قوسين =والجرح مبعد عن يدين المداوي
تكبر ولكن في عيون الصغيرين = تبعد ولكن ما تعدى الحراوي
شعري حصدته من صهيل الدواوين = الشعر يرواني وانا منه راوي
لبست شعري من ثياب الشياطين = وخليت شيطاني من الشعر غاوي
شفت المدينه في عيون لمساكين = اكبر من الدنيا بعين الهواوي
لا قمت ما تبعد عن القاع مترين = وإن قمت وجهك والتراب متساوي
يوم انت تاخذ من صفات المزايين = حنا خذينا من صفات الخلاوي [/poem]