مناسبة القصيده: حصل من ناس كلام قاسي عن الشاعر الكبير عيد الصعصاع...وتجاهلوه كشاعر له مكانته في صدر القبيله ..واخذ المدح في شعراء لم يسبق لي ان سمعت بهم..ولا انقص حقهم انشاء الله لكن اللي فاجاني اكثر عدم دعوة عيد في حفله عامه للشعراء؟؟
صلوا على النبي:
ياعيد ياكثر ناس شفتهم يصعدون
اعلا المنصات فوق اكتاف ناس ٍ كبار
في عقلهم لاتعلوا ظنهم يكبرون
وترى الصغار الحقيقه دوم تبقا صغار
نجوم لكن بعيدة مااعتقد يلمعون
سنين عدت وهم دايم بنفس المدار
والا انت كوكب وكل ينظرك بالعيون
كل الكواكب تمايل عنك وسط المسار
هذي حقيقه ولاهي كذب ناس يحكون
والشمس صعب تحجبها في عزيز النهار
ياقمة الشعر يابحره بعذب اللحون
ياكبريائه وهذي ما عليها غبار
شاعر حقيقي ولاانت من الذي يشترون
قصايد الغير لاجل الصيت والاشتهار
واللي نسوا قدرك العالي وهم يعرفون
انك من اللي لهم بالشعر قدر ووقار
قلوبهم سود حتى لومعك يضحكون
سوداكما الصاج لو تنضح بلون الحمار
عطيتهم طبك وداووك باقسى الطعون
جازوك جزوى ابن منذر جزوته سنمار
إنا ادري انه ماهمك مانوضع بالصحون
بس التجاهل مصيبه لنقصدبه كبار