[poem=font=",5,black,bold,normal" bkcolor="transparent" bkimage="" border="double,5,red" type=2 line=0 align=center use=ex num="0,black""]



إمشي بدربك وأطلبك لا تردّين=مثلي يموت ولا ترجّا حنانك
ما تاقف الدنيا على فراق غالين = كلمة وكم مرّه نطقها لسانك
كانك عقب يومين تقوين تنسين =أنا بطرفة عين أنسى زمانك
وكان التجافي لك دليل وعناوين= قلبي من أطباعه إذا عاف خانك
وان كان خطـّيتي فراقي بخطـّين= أنا محَيتك يوم يكتب بنانك
ما تنفعين ولا بعَد ما تضرّين= قساوتك ما تختلف عن ليانك
قـَدري رفيع وتعرفيني وتدرين= يومك عشقتيني تعلـّى مكانك
هذا الفراق اللي تبين وتمنـّين=شأني لحالي وانتي أدرى بشانك
ما أبيك عقب اللي جرى لي تحنـّين= والعيب كان أرجي بقايا حنانك[/poem]