الشاعر : ثروي الباطح
مصيبه لاتولّعت وعشقت انسان واغليته
وهو مثلك ولكن اللقى من بينكم معدوم
سلام الله على اللي حبه بقلبي بنى بيته
طرى طاريه يومٍ السما مليانتن بغيوم
متى ياوقت تجمعنا وأشوف اللي تمنيته
عيوني ودها بشوفه ولاذاقت لذيذ النوم
حبيبي مبطيٍ عنّه ولا ادري من متى جيته
ولكن طالت المدّه وانا حالي كما المضيوم
هذاك اللي ليا منّه طرى بالبال حييته
خذى قلبي ومن شانه تحملت العنا واللوم
عشقته واعشقه وابقى اعشقه لو تباطيته
ولاغيره عشقت ولابغيت انسان بعده يوم
يا ليته بس يفهم وش له بقلبي ويا ليته
ما يسمع هرجة العذال لاقالو علي علوم