الشاعر : عيد بن مطلق
باسم رب الكون بادي بالكلام
جل من بدل ظلامه بالـصبـاح
جبت قافـيه معـاهـا الاحـتـرام
زاهيه بالطيب والحبكـه وشاح
رافعً قافـي علـئ حـد الـغـمام
ما أّجـيـبه دون مـاتـم النـجاح
ياعرب هاللي نعيشه مو تـمام
عايشين بحقد ثم بغض ونزاح
والتـكـبر للـبشــر مـابـه وسـام
من تـكــبر طـول ماذاق القراح
والقرايب صار بالعرق انقسام
كنهم في حرب وانذار وصياح
صفو الـنيـه ترئ ماهي حـرام
وخلو العالم تـعـيـش الارتـيـاح
واصـل اقـارب وخالك والعمام
وقـم توض وصـل لانادئ الفلاح
وادع ربـك دوم تبـقئ بالأمــام
هـو يشـيل الحظ لـ مّيل وطـاح
من يصـير بجنب ربـه مايضام
ادع رب الكون في عفو وسماح
وصل ثم سلم علـئ خير الانـام
لاذكـرته صار بالصدر انشراح