الشاعر : يوسف هادي
لاجيت ذاك المكان وشفت تذكارك ..
تطري علي المحبه وانزف اشعاري !
بالقلب دارك وخلف ضلوعه اسرارك
ماشفت لك من عقب ذاك الجفا طاري
يفز قلبي اليا جابوا لي اخبارك ؟
يومنك اقفيت ماتدري عن اخباري
ماتت ورود الغرام وشحت امطارك
لو ينزف الجرح ابد ماتنطفيً ناري
ياللي محيت الغلا وش فاد مشوارك
وش فادني ياعشيري طول مشواري
وان كان ذاك الوفا مايشغل افكارك
ماعاد ياصاحبي تطري على افكاري