الشاعر : خالد حامد غشم المحارب
يجيك من مر اليالي صواديف
لوك مشيت الدرب عدلٍ مساره
ويجيك من حلو اليالي تكاليف
يوم ربحت بها ويوم وخساره
المال مايرفع نفوس المضاعيف
لو يخسر الدينار تضعف تجاره
مثل الشجر لالفه الدهر ماشيف
بس الهبايب فيه تعصف غباره
ماينفعه كثر العدد والتصاريف
يروح مرواح القطا في سماره
هاذي ليالي فرقت من مواليف
ماينعلم غيبه ولا به شطاره
هاذي نصحه عن جميع التزاييف
من جملة الشٌعر الفصيح وعباره
عليك في تقوى الولي فالمواقيف
ينجيك من شدة عذابه وناره