قصيدة الشاعر الكبير / فهيد الباطح الجميلي رحمه الله
بالإرهاب في عهد الملك / عبدالله بن عبدالعزيز آل سعود رحمه الله
يالله انّك تنصر اللي على حق وعدال ..... ابو متعب نور نجد الذّرى وظلالها
حاكمٍ تهتز من هيبته حتى الجبال ..... ما تهمّه زمرة اهل الخطا وافعالها
وابو خالد بالمهمّات شيّال الثقال ..... هو ولي العهد حلّالها فتّالها
المخرّب لو سلم يوم يرجع للزّوال ..... كيدها بنحورها من خبيث اعمالها
من وقود النار ما يرْوح الجنه محال ..... السبب ذبح البريّين هي واطفالها
كل نجد ومن سكنها لحكومتنا عيال ..... والحكومه دونها ياقفون رجالها
والمخرّب لاحقين عليه بكل حال ..... بشّره بالشر والفال الاقشر فالها
كل خاين ما يتهنّا على طول الليال ..... من وراه البحث واللي عليه ابدالها