[align=justify]الشاعر الكبير / فهيد الباطح الجميلي رحمه الله
اللّي مضى لك باوّل الوقت وش عاد ..... الوقت يخلف لذّته بصْطفاقه
يوم الهوى له مع هل الحب طراد ..... ويمشي له اللّي منهج الحب ساقه
لي بكرةٍ ضيّعتها بين الاذواد ..... لا جبرتٍ حيلٍ ولاهي دقاقه
خبري بها من بين صادر وورّاد ..... وارمس خبرها باختلاف الرّفاقه
وابطيت ما جا عنه ذاكر ونشّاد ..... وهذي سبايب لوعتي من فراقه
ما اشوف زول اللّي نحبه بالاوداد ..... خصٍ ليا منّك عشقته عشاقه
يازين صدفتها على غير ميعاد ..... ليا ابطيت عنه وصار شوفه اشفاقه
سلّ النّفس مع كنّته بين الانهاد ..... يرغب له المشفي على وقت فاقه
يلحق بها المغرم على كيف ما راد ..... عطْفت ولع ما فيه غيظ وحماقه
في ساعةٍ ما فيه مبغض وحسّاد ..... ولا لاحد من بينكم له علاقه
تنسى الزّعول اللّي قديمات وجداد ..... ينخاط جرح القلب عقب انفتاقه
تروح عنه وخاطرك منه منقاد ..... تربط مواثيق العهد والصداقه
[/align]