تعلمنا من الدنيا مواقف تكشف الرجال
عرفنا الناس باسماها و في منهج مباديها
و الا يا قـل ناس بالمواقف طيبين الفال
لها فعلٍ يجـملهـا و يـجـبـرنا نـبـديـها
انا لـ ضقت من ظرفي و شفت ان الزمن ميال
نصيت رجال ما صدت و تفرح كل ما اجيها
ترا حال الظروف اللي تغير كل يوم بحال
تبيّن معـدن الرجـال لا زادت بــلاويـها
ظروف الوقت ما خلت بنفسي للحياة امال
من ظروفي تصد العين عن حاجه و انا ابيها
لكن الله بعث بين الرجال لكل حال رجال
تفرّج كربة المحتاج و الضيقات تجليها
مناكب للرجال تشيل حملٍ ما اهقى ينشال
معرفتها رصيد اللي رصيده رايح فيها
لعل الحاجه اللي دايماً منها يضيق البال
يجربها من استغنى قبل ما يـبـتـلا فيها
عافت الاميّر