هذه القصيدة قلتها ( أيام زمان ) عندما كان القلب ( خضر ) ومزهر

[poem=font="Simplified Arabic,6,blue,bold,normal" bkcolor="transparent" bkimage="" border="outset,4,darkred" type=2 line=0 align=center use=ex num="0,black""]



عـلى كـثر الوعود اللي ما جاني من وراها فود= مـا اشوف أحد سواك أشغل بهالدنيا تفاكيري

وعلى كثر الغلا اللي لك بداخل خافقي موجود=أخـاف بـلحظة تـهديك ساعات القدر غيري

وأنـا خـايف هواجيس الليال الماضيات تعود=وفي هاك الزمن كيف أقدر أجمّع تقاريري ؟

حـبيبي يـا نـهاية حـبي اللي ما وراه حدود=أنـا مـنك ابـتدي وإليك ترجع كل أساطيري

مـع إن الـدرب يـمك سـرمدي واليالي سود = سـريته وانـت فـي ليلي تنوّر لي مشاويري

وصـلتك رغـم ما جاني من اللوم ومن المنقود =ولـو طـالت مـسافاتك تقصّر خطوتي سيري

لـقيتك شـبه شـي مـن زمان ضايع مفقود =يــدور بـخاطري ولا قـدر يـمليه تـعبيري

عـطيتك قلبي وعمري ولا منك خذيت عهود=لـقيتك آخـر أحلا مي وصرت أجمل تفاسيري

أنا أبغى أعيش في قربك وتفرش في طريقي ورود=وعـطني مـن غلاك شوي وانا أعطيك تقديري

ابـيك تـقدر الـموضوع وتفهم غاية المقصود=وابـي عـقب الحزن بسمة فرح واسمع غنا طيري

أنـا بـدونك أسـير ما بقى إلا حلمك الموعود=تـقطّع فـيني حـبال الـرجاء وبيديك تحريري

واعرف الدرب من غيرك ظلام وموحش ومسدود=ولامـني فـقدتك فـي زمـاني بـان تقصيري

واعرف ان الغلا اللي لك بداخل خافقي موجود= بقى في خافقي واظن ما لك واحد غيري

[/poem]