لغز وإبي حلـــه

[محسن الجميلي]

السلام عليكم ورحمة الله وبركاته


كيف حالكم ان شاء الله بخيـر ياطيبين .؟


سمعت اخوي محمد الماجدي يبي هالشي هذا الغاز وانا جبت لكم لغز



اللغز هذا قاله ابوي لي وعلمني بالاجابه


وابي القي عليكم اللغز وكلن يقول رمعته


اليكم اللغز


ابسألك كانك فهيم عن قبر وسطه جنازه .. القبر يقفي ويقبل والجنازه فيه حيه
اخرج الله ذا الجنازه منه في حسن امتيازه .. القبر راح بنيه والجنازه صوب نيـه
هذا اللغز وياليت الكل يشارك فيـه

والسـلام عليـكم

[الحسين محمد]

شكرالك ولي عوده ان شاء الله

[راع الجنيفا]

ابسألك كانك فهيم عن قبر وسطه جنازه .. القبر يقفي ويقبل والجنازه فيه حيه
اخرج الله ذا الجنازه منه في حسن امتيازه .. القبر راح بنيه والجنازه صوب نيـه

.......................................

سوف ارمع لي رمعه يامحسن وسلم لي على ابوك

بما ان اللغز له كم يوم ولا فيه احد رمع

سوف ارمع هالرمعه

وتقبلها من راع الجنيفا


((نبي الله يونس عندما التقمه الحوت ))



شكرا لك يامحسن

[الكـ،،،،،،ايف]

وانا مع رمعة راعي الجنيفا

[خلف العونان]

انا اقول والله اعلم

انها ( البيضه والصوص اللي بداخلها )

وسلامتكم

[خاص]

ولي رمعة تكثيرا للرمعات لاأكثر:


اللولو والمحار


اذا ماكان ( يونس والحوت ) طبعا ..
---------------------------

[محسن الجميلي]

الله يعطيكم العافيه


واسف على اطالت الرد لاني في دورة عسكريه وماطلع الا خميس وجمعه



والحل هو نبي الله يونس عليه السلام والحوت



صح لسانك ياراعي الجنيفا


واشكركم على التفاعل

[محمد الماجدي]

مشكور اخوي محسن ........ على هاللغز .... وسجلته عندي بالنوته .
وكفو والله يا راعى الجنيفا ......... وناليبه للبيض وارد ..... والمحار .... هم وارد .
بس اللغز من صاحبه ...... للعلم فقط ؟

[ابوناصر]

لغز وارد

صح لسان الشاعر والناقل

[خلف المهدي]

لغز وارد وإجابة وافية شافية

[محسن الجميلي]

بيض الله وجيهكم على المشاركـه



وان شاء الله فيه لغز جديد



دمتم سالمين


،،