تسجيل الدخول

مشاهدة النسخة كاملة : هل هي للجميل او سبيع!!

اخو سلمى
08-11-2008, 02:03 PM
السلام عليكم ورحمة الله وبركاته
الحمدلله والصلاة والسلام على رسول الله وعلى آله وصحبه أجمعين

سؤال للجميـــــــــع ؟؟

وانا اتصفح المنتديات وجدت قصيده نسبت للشاعر دبيان بن عساف في اكثر من منتدى ولما سألت بعض كبار السن من قبيلتنا قالوا ان القصيدة للشاعر حمد بن غلطة

والقصيده تقول :








صاحبي راح مع ناقلين الكـار..مع فريـق علـيّ ابعـدوا داره
مع فريق الجمّالين يـا نصـار..ماتجيني من العـذب بأخبـاره
ما تجيني بعلم عسـاك مجـار..من جميع اللوابيـث واشـراره
لا مشت كنهامن حمـام الـدار..تذبح اللـي نـوى الله باقـداره
جادلٍ صوبتنـي وانـا محتـار..حطـه الله لعيونهـا شــاره
عود موزٍ ليان عليـه احضـار..مايبيعـون بالسـوم تـجـاره
عين شيهانه تعجـب الصقـار..لابرق الريش ماهيـب غفـاره
شبه وضحا زعول على القهار..فـي نهـار المواريـد دجـاره
حايل مـا بعـد ريعـة لحـوار..من مغاتير الاجـواد سنجـاره
بنت من يحتمي المهره الثبـار..شايب الخير كد شاعت اخبـاره
وأخت من يذري الفاطر المشكار..يرخص الزاد لا غليت اسعـاره
احسب أني على صاحبي صبار..واثـر قلبـي خـراب تعمـاره



وقد حذفت منها بعض الابيات منها :

يا فريق تنووا على المحدار .. طلعت الشمس بسعود حداره


اما السؤال ؟؟
هو : هل هذه القصيده لشاعر سبيع دبيان بن عساف او لـ حمد بن غلطه


اتمنى من الجميع التفاعل والتوضيح عن الموضوع هذا !!

والسلام عليكم ورحمه الله وبركاته

تحيــــــــــتي

اخو سلمى
خاص
08-11-2008, 06:34 PM
عن نفسي لم أسمع بها من قبل ..!؟
وربما تكون للسبيعي

شكرا لحرصك اخي اخو سلمى
الحسين محمد
08-11-2008, 06:36 PM
لااعلم بهذه القصيده واول مره اسمعها
واعتقد انها لسبيع مدام انه يقول الجمالين
فنحن الجميل وليس الجمالين--واذا عندك معلومات اكثرانت
والشيبان اللي قالوا لك ثقات والقصيده عندك كامله فعطناها

وللمعلوميه الشاعرحمد بن غلطه من فخذالمصيبيح شاعر جزل له
قصائد كثيره لانحفظها لأنه عاش في الكويت واذا عندك له قصائد
اكون لك من الشاكرين 00



واهلا بك اخي اخو سلمى
الكـ،،،،،،ايف
09-11-2008, 09:39 AM
فعلاً اول مره اسمعها
خلف المهدي
11-11-2008, 05:11 PM
سمعتها من قبل

وقد قالها مهلي حشاس الظفيري على الربابة

لكن لا أعلم من قائلها
محسن الجميلي
13-11-2008, 01:48 AM
ماسمعتها من قبل



ابحث ورى القصيده ونبي نعرف من شاعرهاا



مثل قصيده ابوي اللي يقول


ليتنا كل خمس شهور نطلع بأجازه ...... المعاشات تمشي والاجازه مديه



نسبوها لواحد لشاعر ثاني وكتب عنها عافت مطر الجلال بالجريده ونزلها ابوي في شريطه وثبتت انها لابوي



الف شكر لك اخوي




تقبل تحياتي
اخو سلمى
14-11-2008, 05:35 PM
شكرا على الردود لكن
اخي سعد القصيدة يمكن ما سمعتها لكن كلمة الجمالين تطلق على راعي الابل والواحد جمال وبعدين القصيدة انا ناسخها من منتدى واللي كاتب الموضوع سبيعي لكن اللي قال لي انها لحمد بن غلطة قال ان الشاعر حمد حصل له خلاف مع زوجته وذهبت زوجته مع ابوها ومعها ولده سعود والدليل البيت

يا فريق تنووا على المحدار .. طلعت الشمس بسعود حداره

واخي امين المجلس فعلا كلامك صحيح قالها مهلي الحشاش على الربابه
الحسين محمد
15-11-2008, 12:37 AM
اهلابك اخي اخو سلمى


وبالنسبه لحمد بن غلطه توفى رحمه الله ولم ينجب ولم يتزوج


هذا حسب معلوماتي 0000اذا عندك معلومات عن هذا الشاعر

فلا تبخل علينا 000وتحيه لقلبك النقي
البذاليه
20-12-2008, 04:27 AM
السلام عليكم ورحمة الله وبركاته

تحيه للقائمين على هذا المنتدى
وانا زائره لهذا المنتدى
شد انتباهي الموضوع ولي خلفيه عن هذه القصيده لذا وجب التبيه
اعتقد ان هذه القصيده للشاعر// دليــم العمار الحريجي
واحفظ منها هذه الابيات ولا اعلم اذا كانت بالترتيب او لأ

ماعينتو هوى البال يالعمار.. هو بعيد وحوالي هاك القارا

قال دليم بعيد عن المسيار.. مير كرب على كور وعبارا

دونها السبق والصلب والصمان.. عنك ما قابلت عيني نارا

يا فريج تنوى عن المحدار.. طلعت الشمس بسعود وحدارا

لمشت كنها من حمام الدار.. تقتل اللي نوى الله بقدارا
والله اعلم
لي عوده مع القصيده كامله وصاحب القصيده
مع تحياتي
حمدبن مصيبيح
20-12-2008, 06:05 PM
السلام عليكم ورحمة الله وبركاته

تحيه للقائمين على هذا المنتدى
وانا زائره لهذا المنتدى
شد انتباهي الموضوع ولي خلفيه عن هذه القصيده لذا وجب التبيه
اعتقد ان هذه القصيده للشاعر// دليــم العمار الحريجي
واحفظ منها هذه الابيات ولا اعلم اذا كانت بالترتيب او لأ

ماعينتو هوى البال يالعمار.. هو بعيد وحوالي هاك القارا

قال دليم بعيد عن المسيار.. مير كرب على كور وعبارا

دونها السبق والصلب والصمان.. عنك ما قابلت عيني نارا

يا فريج تنوى عن المحدار.. طلعت الشمس بسعود وحدارا

لمشت كنها من حمام الدار.. تقتل اللي نوى الله بقدارا
والله اعلم
لي عوده مع القصيده كامله وصاحب القصيده
مع تحياتي



اهلا بك اختي البذالية


والنسبة للقصيدة لانعرف عنها شئ وكلمتك اعتقد ليس جزم انها للشاعرالحريجي


ارجو التأكيد اذا كنتي متأكده وهل له غير هذه القصيدة؟؟؟
راعي الريشه
23-12-2008, 01:04 PM
اذا ماني غلطان هذي لابن غلطه بس ممكن احد يعطينا قصيده بن غلطه اللي مطلعها يقول

يعل من حيره دمه يحيري
راعي الريشه
23-12-2008, 01:12 PM
اذا ماني غلطان ان هذي القصيده لابن غلطه بس ممكن احد يعطيني قصيدة بن غلطه
عشان اجيبلكم العلم الوكاد لان عندي معلومات شبه ماكده القصيده اللي فيها بيت
يقول .


يعل من حيره خيره يسيلي


وقبلو خالص الشكر والتقدير

اخوكم/
راعي الريشه