قصيده تنتظر معانقتكم

[حمد الحريجي]

بسم الله توكلت على الله:

عزالله اني طالع لوتعيون
البر عندي عكس جو المدينه


وشلي بناس مقابلين التلفزون
كل ٍ مركزبالدواوين عينه

ماهمهم الاوكالة يقولون
واخبار الاسهم عند مايا وزينه

هذا يقول بساع لازم تهربون
اهــبط مظلي وشتبي بالدفينه

اخبار جتني عبر خط التليفون
وسمعته من الناس عند الكبينه

وهذا يقول الصبح بكره تشوفون
ان كان ماصرت بكلامي جهينه

حلواني تنسب ولازم تعرفون
خلو كلام اهل الحسد والضغينه

والمشكله عقب النصايح يخسرون
ويطلعون من الخساير بدينه

ويجلسون من الشتايم يسوقون
ويبررون ان السبب عارفينه

ماباقي الا للمغافر يروحون
ويبلغون ان الدراهم رهينه

اللي يبي مليون ماجاه مليون
ضيع مكاسب نايمه بالخزينه

المال كنه صار ياناس فرعون
ياكثر طغيانه على عابدينه

ياهل الدراهم وشبلاكم تصيحون
اشوف كل ٍ عاقد ٍ حاجبينه

عندي نصيحه ليتكم تستفيدون
اشوفها بعيني نصيحه ثمينه

اما انطروها واصبروا لاتبيعون
والا ترى كل النتايج حزينه

والا بامانه شغلوا فلم كرتون
وارتاحوا من اخبار مايا وزينه[/size]

والسلام

[الحسين محمد]

هههههههه


اللي يبي مليون ماجاه مليون
ضيع مكاسب نايمه بالخزينه



صح لسانك قصيده تعالج موضوع اجتماعي

يشتكي منه الكثيرين


مبدع ياحمد

[حمدبن مصيبيح]

قصيدة تحمل روح الفكاهه


صح لسانك يالسمي رائع كعادتك

[ذيب الخلا]

عزالله اني طالع لوتعيون
البر عندي عكس جو المدينه


وشلي بناس مقابلين التلفزون
كل ٍ مركزبالدواوين عينه


اي بالله عاد زن البر ياحمد هالايام قصيده صراحه روعه
والله يعين اهل الاسهم

[loood]

وهذا يقول الصبح بكره تشوفون
ان كان ماصرت بكلامي جهينه

هههههه فعلا الاسهم امرها مضحك وكل يقول انا عندي العلم

صح لسانك شاعرناالرائع حمد

[خلف العونان]

صح لسان شاعرنا

وبارك الله فيك

[ابوناصر]

المال كنه صار ياناس فرعون
ياكثر طغيانه على عابدينه

صح لسانك على هذه القصيدة الجميلة

وأكيد هذي عقب الخساير الأخيرة

[حمد الحريجي]

هلا باديبنا سعد الجميلي شاكر لك مرورك الكريم

[حمد الحريجي]

قصيدة تحمل روح الفكاهه


صح لسانك يالسمي رائع كعادتك



هلا بالسمي...تسلم على المرور

[حمد الحريجي]

مور الجميلي الله يبارك فيك على المرور الكريم

[حمد الحريجي]

مراقب جوي ..يااامرحبا فيك ....اسعدني مرورك

[حمد الحريجي]

خلف العونان تسلم على مرورك الكريم

[النداوي]

صح لسانك

قصيدة جميلة

[حمد الحريجي]

ابو ناصر... المال يفنا والنشامى تجيبه وانا اخوووووك ..والحمد لله كسبنا اشياء واشياء تسلم على مرورك الكريم

[محسن الجميلي]

صح لسـانك وسلمت يمناك


والله شي واقعي يابوعبدالله


وكلامك كله درر



وبيض الله وجهك


وفعلا قصيدة تستحق الاطلاع



بأنتظار جديدك

،،،،

[راع الجنيفا]

اما انطروها واصبروا لاتبيعون
والا ترى كل النتايج حزينه

والا بامانه شغلوا فلم كرتون
وارتاحوا من اخبار مايا وزينه

ههههههههه

صح لسانك ياحمد

لكن مانجح الا اللي باع وياليتني بايع ومنحاش من سوق ابو عشره


وذبحتنا اخبار

مايا وزينه



صح لسانك

[ابوناصر]

أقصد

أنها تعالج الواقع

وأنا لاأضع الإسقاطات على بعض الأشخاص

وفعلا قصيدة رائعة وتعالج الواقع الذي مر به بعض من خسر في الأسهم

[حمد الحريجي]

محسن الجميلي هلا فيك ومرحبا ... شلوونك يابو خلف .... شاكر لك مرورك ولاهنت

[حمد الحريجي]

ههههههههه

صح لسانك ياحمد

لكن مانجح الا اللي باع وياليتني بايع ومنحاش من سوق ابو عشره


وذبحتنا اخبار

مايا وزينه

صح لسانك

اكيد... طال عمرك ماانجح الا الي باع ؟؟ لكن انا اتكلم عن مابعد الهبوط السريع للاسهم؟؟؟ ودوم هالضحكه ياااراع الجنيفا.... شاكر لك مرورك

[حمد الحريجي]

أقصد

أنها تعالج الواقع

وأنا لاأضع الإسقاطات على بعض الأشخاص

وفعلا قصيدة رائعة وتعالج الواقع الذي مر به بعض من خسر في الأسهم

ابو ناصر راح تفكيرك بعيد وانا اخووك ....فعلا خسرنا من الاسهم لكن تعلمنا منها بعد ..... اسعدني مرورك يابو ناصر