العجيبه

[سيف العوده]

الله من همن كتمته بصدري=مايعلمه ياكود علام الاسرار
من هاجسن ياتي على القلب بدري=من غيبت البيضاء الياحين الافجار
تاتي على قلبي ورودن وصدري=هم على هم تنوع بالأخطار
ياماتسندبي وياماتحدري=وياما اتقلبني على يمين ويسار
وحت قلبي حت غصنن بسدري=اقفى حياه وفاخته صيف الامطار
اوفوح قلبي فوح مي بقدري=اللي يشبونه هل الكيف والكار
على عشيرن دوم ينوي بغدري=وقتي معه ياناس حاير ومحتار
والنهد كنه بالمثل بيض كدري=عليه قلبي لاعبن لعبت الطار
ياليت منهو عنه يعلم ويدري=عقب البطاء يدري عن الزين وش صار

[عبد العزيز المحارب]

صح لسااانك يابو عبدالله



قصيدة جزلة من شاعر كبير

[الأمير]

صح لسانك ياشاعرنا القدير

قصيده وجدانيه رائعة

[خلف المهدي]

صح لسانك يا أبو عبدالله

عوايدك القصايد الجزلة