محمد الماجدي
26-10-2008, 03:29 AM
النوم
النوم جافى العين مدري علامه .....
والنفس ما تصبر على الضيم لا طال .
والروح تطلب كل لحظة السلامه .....
والوقت يا مقسى مواطيه لا مال .
والقلب صار الهم تالي يدامه .....
من عقب عزه صار يشكي له الحال .
أصبحت أنا والنوم كنا خصامه .....
خصيم ما يرحم خصيمه ليا عال .
كنه معي بالليل يوزن قرامه .....
يكيلني في كل لليله بمكيال .
والنفس دون النفس درب الكرامه .....
نمشي معه لو قالوا الدرب أميال .
وش فايدة نفسن بليا شهامه ....
مثل المره بالبيت من دون رجال .
والروح لا جا الليل كن القيامه .....
تنوح كني فاقدن كودة عيال .
تنوح نوح اللي يدقوا عضامه .....
أسير قومن عقب ما كان يختال .
والوقت ما تمسك يديني زمامه .....
ولو تمسكه مقساه في كل الاحوال.
يا سرع ما غير معنا كلامه .....
يجيك في حالن وهو عنك في حال .
والقلب لو يسمع نصيحة عمامه .....
ما بدل المرباع والروض في جال .
لا بوك قلبن ما يكمل صيامه .....
ولا بو نفوسن ما ترفع عن المال .
يا خوي أنا ما عيش مثل النعامه .....
أموت راسي ما أغطيه برمال .
اما الكرامه فوق راسي عمامه ......
والا العمامه لراسنا صارت أزمال .
بيتن بليا ساس عجل هدامه ......
وسيفن بليا حرب ورجال ما صال .
وسلامتكم
النوم جافى العين مدري علامه .....
والنفس ما تصبر على الضيم لا طال .
والروح تطلب كل لحظة السلامه .....
والوقت يا مقسى مواطيه لا مال .
والقلب صار الهم تالي يدامه .....
من عقب عزه صار يشكي له الحال .
أصبحت أنا والنوم كنا خصامه .....
خصيم ما يرحم خصيمه ليا عال .
كنه معي بالليل يوزن قرامه .....
يكيلني في كل لليله بمكيال .
والنفس دون النفس درب الكرامه .....
نمشي معه لو قالوا الدرب أميال .
وش فايدة نفسن بليا شهامه ....
مثل المره بالبيت من دون رجال .
والروح لا جا الليل كن القيامه .....
تنوح كني فاقدن كودة عيال .
تنوح نوح اللي يدقوا عضامه .....
أسير قومن عقب ما كان يختال .
والوقت ما تمسك يديني زمامه .....
ولو تمسكه مقساه في كل الاحوال.
يا سرع ما غير معنا كلامه .....
يجيك في حالن وهو عنك في حال .
والقلب لو يسمع نصيحة عمامه .....
ما بدل المرباع والروض في جال .
لا بوك قلبن ما يكمل صيامه .....
ولا بو نفوسن ما ترفع عن المال .
يا خوي أنا ما عيش مثل النعامه .....
أموت راسي ما أغطيه برمال .
اما الكرامه فوق راسي عمامه ......
والا العمامه لراسنا صارت أزمال .
بيتن بليا ساس عجل هدامه ......
وسيفن بليا حرب ورجال ما صال .
وسلامتكم