لعبة سؤال محرج وورط اللي بعدك!! [الأرشيف] - ملتقى ومجالس قبيلة الجميل الهلالية ( الموقع الرسمي )

زعيم الملتقى

15-07-2010, 08:27 PM

لعبه وإن شاء الله تعجبكم
طبعاًُ أعتقد اللعبه واضحه من العنوان إللي هي إن كل واحد يدخل ويسئل
للعضو إلي بعده سؤال محرج إللي بعده يجاوب عليه ويحط سؤال محرج ثاني للي بعده وسؤالي أنا هلحين هو كاالتالي؟
س محرج/اذا احد اولادك أو اخوانك الصغار اخذ ...جوالك وتصل .... واحد منهم على مديرك !!!اورئيسك!!!!
ماهو موقفك وش تقول للمدير ساعتها؟:i_angry_steaming:
انتظر اجابة منكم ياجماعة:laughter01:

فهد المحارب

15-07-2010, 09:19 PM

يعطيك العافيه على الموضوع الجميل وفي نفس الوقت محرج

ماهو موقفك وش تقول للمدير ساعتها؟

في الحقيقة أتعذر له وأقول أخوي الصغير مايدري أنك مديري أو رئيسي هذا بعد الضحك وأظن يتقبل الموضوع
لعلمه إنه صغير وجاهل.

س/ ماموقفك وأخوك الصغير أتى بالعشاء وأنت عازم أصدقائك الرسميين وتعثر و وقع العشاء على الأرض أمامهم؟

زعيم الملتقى

15-07-2010, 09:32 PM

صراحة فهد سؤالك مرررررررررررررررررررررة محرج
لكن ماعليه أجاوب عليه
أقول ياجماعة أرجوا منكم العذر والسموحة طبعا والوجه أحمر من الاحراج
وهذا وغد صغير مايدري وابشروا بالعوض
وأجيب لهم عشا من المطعم وبعدين اذا راحوا وش اسوي باللي طيح العشا
والله لأخلي ليلته سوداء
س محرج/ اذا كنت تنتظر زوجتك خارج قصر الافراح وانت بالسيارة وجت امرأة غريبة وركبت بجنبك معاك وهي تحسبك زوجها لان سيارتك زي سيارته وش موقفك؟

الأمير

15-07-2010, 11:18 PM

اقول عفوا يا أختي النمره غلط ...... !

س : ماموقفك اذا دخلت بصاله زواج بالغلط وانت تقصد اناس غيرهم .. واستقبلوك طبعا بعضهم يعرفك ولكنها معرفه قديمه جدا ؟

زعيم الملتقى

15-07-2010, 11:27 PM

أسلم عليهم وأبارك لهم كأني ما ادري وش السالفة
واسحب نفسي واعتذر لهم واقول لهم ابروح ابسلم وابارك على الربع الثانين اللي كنت قاصدهم
لكن السؤال هنا اذا كان معك بس 200ريال عانية وطفران على الحديدة من تعطيها الأولين او الثانين؟

عبد العزيز المحارب

16-07-2010, 02:22 AM

اعطيها للعرس اللي ناوي اروح له

ماا موقفك اذا انت في عرس وكاشخ ومد عليك البنقالي عصير وانتثر ووسخ ثيابك ؟

زعيم الملتقى

16-07-2010, 04:30 AM

ابوفهد الشكوى لله وش تبيني أسوي بالبنقالي
أكيد راح اروح للبيت وأبدل ملابسي والظاهر اني ما ارجع للعرس مرة ثانية
س محرج/ وش موقفك لو تجي لفراشك وأنت طبعا نعسان مرررررررة طايح من النعاس والتعب وتلقى أفعى كوبرا تحت البطانية هل تنام أو يطير النعاس والتعب أو وش تسوي ساعتها؟

بن منيجل

16-07-2010, 04:41 AM

ابووووفهد ماقوووول الا الله يهديه وكأني اروح لدورة المياة (الله يعزكم )

للبيت ........

ماهو مووقفك لكنت متجهة تسلم على العريس وقبلها (عثررررت) زلقت امام الحضور ؟

بن منيجل

16-07-2010, 04:42 AM

هلا ابوووراشد جوابنا على ابوووفهد بنفس اللحظة

القلب عند بعضها

هههههههههه

محسن الثنيان

16-07-2010, 05:41 AM

الله يعطيكم العافيه اسئله محرجه

موفق بإذن الله ... لك مني أجمل تحية .

زعيم الملتقى

16-07-2010, 01:02 PM

الله يعطيكم العافيه اسئله محرجه

موفق بإذن الله ... لك مني أجمل تحية .

وفقك الله
يابو سيف

زعيم الملتقى

16-07-2010, 01:04 PM

هلا ابوووراشد جوابنا على ابوووفهد بنفس اللحظة

القلب عند بعضها

هههههههههه
مانختلف انا وياك يانسيب
ههههههههههلا فيك ومرحبا

خلف المهدي

16-07-2010, 01:07 PM

س محرج/ وش موقفك لو تجي لفراشك وأنت طبعا نعسان مرررررررة طايح من النعاس والتعب وتلقى أفعى كوبرا تحت البطانية هل تنام أو يطير النعاس والتعب أو وش تسوي ساعتها؟

يطير النوم وأغير المكان في تلك الليلة

الله يعطيك العافية ابا راشد

زعيم الملتقى

16-07-2010, 01:11 PM

ابووووفهد ماقوووول الا الله يهديه وكأني اروح لدورة المياة (الله يعزكم )

للبيت ........

ماهو مووقفك لكنت متجهة تسلم على العريس وقبلها (عثررررت) زلقت امام الحضور ؟

والله احراج مرررة سؤالك الله يعين
ارجع ما اسلم على العريس وانا راكض
ولا راح احضر عروس لمدة شهر شهرين
سؤالك صعب حييييييييييييييييييييييييييييل
س محرج/ وش موقفك وانت رايح زواج لناس اجناب وسلمت على العريس وعلى والد العريس وانت وسط الصالة
ودخلت يدك بمخباك تبي تعطيه عانية وكل الحضور تشوفك ومالقيت في مخباك الا ريال واحد بس نسيت العانية بالبيت ؟

زعيم الملتقى

16-07-2010, 01:21 PM

يطير النوم وأغير المكان في تلك الليلة

الله يعطيك العافية ابا راشد
ابوسلطان الله يسلمك انت ماسألت سؤال ماعليه اسأل عنك
س محرج/ وش موقفك وانت رايح زواج لناس اجناب وسلمت على العريس وعلى والد العريس وانت وسط الصالة
ودخلت يدك بمخباك تبي تعطيه عانية وكل الحضور تشوفك ومالقيت في مخباك الا ريال واحد بس نسيت العانية بالبيت ؟

سعود البناقي

16-07-2010, 02:03 PM

الأمير

16-07-2010, 02:13 PM

س محرج/ وش موقفك وانت رايح زواج لناس اجناب وسلمت على العريس وعلى والد العريس وانت وسط الصالة
ودخلت يدك بمخباك تبي تعطيه عانية وكل الحضور تشوفك ومالقيت في مخباك الا ريال واحد بس نسيت العانية بالبيت ؟
اعتذر منهم وابين لهم انني نسيت النقود في الثوب الثاني لاني كنت مستعجل واستئذنهم بالرجوع الى البيت بسرعه واعطيهم العانية

س : ماموقفك اذا كنت ناوي تمد ثلاث مائة ريال (ثلاث ورقات ) عانية ... واخطأت ومديت ( ثلاث ورقات ) كل ورقة خمسمائة اي الف وخمسمائة ريال ولم تنتبه إلا وهي في يد والد العريس وهو يقبل خشمك ؟
ارجو الاجابه بكل شفافيه و كيف تتصرف ...!

الأمير

16-07-2010, 02:28 PM

الحمد لله مافي اي سؤال اجاوب عليه

لكن سؤالي :-
وش موقفك لا جلست مع واحد ماتعرف منهو هو وفي آخر الجلسه عند الوداع عرفك بنفسه انه احد اعضاء الملتقى القريبين منك ؟
مع العلم انه يعرفك بس يبي يسوي مقلب معاك ؟

الحقيقة هذه مفاجئة بحيث تكون ردة الفعل سعادة مدهشه لأنني التقيت بشخص يعرفني ولااعرفه وحصل لي الشرف بمعرفة من تمنيت ان اراه واعرفه .. ولكن يبقى اللوم عليه لانه لم يخبرني إلا عند الوداع .

سعود البناقي

16-07-2010, 02:50 PM

الحقيقة هذه مفاجئة بحيث تكون ردة الفعل سعادة مدهشه لأنني التقيت بشخص يعرفني ولااعرفه وحصل لي الشرف بمعرفة من تمنيت ان اراه واعرفه .. ولكن يبقى اللوم عليه لانه لم يخبرني إلا عند الوداع .

ابو عبدالرحمن
الموقف هذا حصل معي شخصيا
ولكنه بصراحه ممتع جدا ولكنه محرج بنفس الوقت للمستضيف الذي لا يعلم

عبد العزيز المحارب

16-07-2010, 02:57 PM

زعيم الملتقى

16-07-2010, 03:51 PM

س : ماموقفك اذا كنت ناوي تمد ثلاث مائة ريال (ثلاث ورقات ) عانية ... واخطأت ومديت ( ثلاث ورقات ) كل ورقة خمسمائة اي الف وخمسمائة ريال ولم تنتبه إلا وهي في يد والد العريس وهو يقبل خشمك ؟
ارجو الاجابه بكل شفافيه و كيف تتصرف ...!

اقول . مالك الا الصبر ويش وداك له :mommy_cut::mommy_cut:
ابوفهد الله يسلمك انت جاوبت على سؤال الامير لكنك ماسألت
ابي امون عليك وسأل عنك وان شاء الله انك تسمح لي!
س محرج/ماموقفك وانت في مسجد جامع صلاة جمعة وانت قدام بجنب المؤذن والمؤذن شايب كبير وتأخر الخطيب
ماجاء ومافي مطاوعة هكاليوم وقدموك قالوا لك اخطب بنا مافي احد وصملوا عليك الشيبان المهم ما انتبهت لنفسك الا وانت على المنبر وش تسوي؟؟؟؟؟؟ والجامع مليان فل وكل اكثرهم منالربع؟؟؟؟؟؟؟

فهد المحارب

16-07-2010, 04:21 PM

س محرج/ماموقفك وانت في مسجد جامع صلاة جمعة وانت قدام بجنب المؤذن والمؤذن شايب كبير وتأخر الخطيب[/size]
ماجاء ومافي مطاوعة هكاليوم وقدموك قالوا لك اخطب بنا مافي احد وصملوا عليك الشيبان المهم ما انتبهت لنفسك الا وانت على المنبر وش تسوي؟؟؟؟؟؟ والجامع مليان فل وكل اكثرهم منالربع؟؟؟؟؟؟؟

في الحقيقة اقول الله يستر وين انا جاي بدري اليوم اتكلم عن أقصر موضوع

والعرق يصب بغزارة واخلصها بسرعه

ٍس/ ماذا تفعل وأنت رميت بعض النفايات من فوق السور و وقعت على رجل مسن فطرق الباب وهو غاضب ؟

زعيم الملتقى

16-07-2010, 04:40 PM

ٍس/ ماذا تفعل وأنت رميت بعض النفايات من فوق السور و وقعت على رجل مسن فطرق الباب وهو غاضب ؟
والله ما افتح له لو( يفطس) واخليه يطق لين بكرة واذا جاء بكرة ان السالفة باردة...

س محرج/وش موقفك اذا جوك ناس اجناب وقهويتهم وانت ماتدري وش عندهم وانت تسولف عليهم من هالصواريخ المهم من بين هالصواريخ انك تقول انا اعرف اصلخ الذبيحة خلال ثواني وانت لا تعرف ولا شي وقالوا لك نبيك تخاوينا للبر وقت الربيع حنا ماندل بهالديرة وحلفوا عليك وطلقوا وحرموا عليك الا تخاوينا المهم انت مشيت معهم للبر وحصل شي ما كنت توقعة بالبر جابوا لك ذبيحة وقالوا لك يابو فلان ترى كلنا حضران مانعرف نسلخ وانت هالحكي ماتعرف تذبح شلون عاد الصلخ وش موقفك؟؟؟؟؟؟؟؟؟؟؟
ابي جواب صريح

زعيم الملتقى

16-07-2010, 10:30 PM

عبد العزيز المحارب

16-07-2010, 11:00 PM

والله ورطه ....اتعذر اقول ماتعودت اصلخص الذبيحة الا اعلقها على الوايت اما بدون وايت بحياتي ماصلخت

وش موقفك اذا جاك عمك ابو زوجتك يبيك تكفله كفيل غارم بشركة تويوتا وانت تدري انه مايسدد ؟ وانت توك متزوج ؟ تكفله او لا ؟

مرماوي من نصيف

17-07-2010, 12:17 AM

شكرا لك أبا راشد على هذا الموضوع الجميل

وش موقفك اذا جاك عمك ابو زوجتك يبيك تكفله كفيل غارم بشركة تويوتا وانت تدري انه مايسدد ؟ وانت توك متزوج ؟ تكفله او لا ؟[/quote]
طبعا أكفله لأن هو كفلني على بنته وما يدري أوفي معها لو لا؟ شلون ما أكفله على سيارة حتى لو كنت أعلم أنه لا يسدد؟
وإذا جاء الموعد وما سدد الله يعين (احتمال راح المصيبة تقع على راس المسكينة)

س:
ماذا تصنع لو تحامق عليك جاهل في مكان عام وصار بينك وبينه أخذ وعطا بالكلام ورد عليك ورديت عليه وقام إلأيك يمد يده ليضربك وأنت في الناس رفيع المقام وهو وضيع

زعيم الملتقى

17-07-2010, 05:44 PM

أكيد الناس يعرفون هذا انه جاهل
لكن اناوش اسوي غير ادافع عن نفسي بسياسة بحيث اني اهديه وامنعه من ضربي واناصحه الشكوى لله

س محرج /متى آخر مرة لبست ثوبك بالمقلوب وليش مستعجل بصراحة ؟
اريد جواب صرررررررررررررررررررررررررريح

عبد العزيز المحارب

17-07-2010, 06:51 PM

قبل سبوعين ...... مستعجل فاتـتـني صلاة الجماعه ولبست ثوبي بسرعه يوم اقبلت على المسجد ابي اسكر الازرة ماقدرت ولاحظت ثوبي مقلوب

ما موقفك اذا علمت ان افضل اصدقائك في نظرك يغتابك في مجلس ؟

فواز المطلق

17-07-2010, 08:07 PM

ما موقفك اذا علمت ان افضل اصدقائك في نظرك يغتابك في مجلس ؟

اسوي نفسي مادريت الى مايجي مجاله

ماهو موقفك وانت عندك ضيف ومسوي عشاء له .. بعد ماكنت جايب العشاء
قدام الضيف عثرت انه العشاء كله منكب .. بعضه على ثوب الضيف؟

Falah

18-07-2010, 12:56 AM

السؤل مكرٍرٍ

ماهو موقفك وانت عندك ضيف ومسوي عشاء له .. بعد ماكنت جايب العشاء
قدام الضيف عثرت انه العشاء كله منكب .. بعضه على ثوب الضيف؟

اخـليـه يـآكـل وٍهـوٍ بالأرٍض .. وِأغـسـل ثـوٍبـه

وٍألآ اقـوٍل لـه رٍح للمطـعـم تعـش وأغسـل ثوٍبـك بالمغسـلـه

.
.
.
.
.
.
.
.
.
.
.
.
.

.
.

.

.
.
.
.
.

ارٍوٍح للمـطعم وٍاجيـب لـه عشـآء وٍأغسـل ثوٍبـه

لـوٍ عنـدك ضيـوٍف اجـآنـب وعـلى مـآعطيـت اخـوٍك اوٍ وٍلـدك الدلـه عشـآن يقهـوٍيهـم وٍألى الدلـه طـآيحـه منـه وش تسـوٍي وٍقتهـآ ومـآعنـدك هـيـل.؟

الأميرة الهادئة

16-10-2010, 12:56 AM

عااااااااااااااااااااااااااااادي ولا شيء اسوي القهوة بالمسمار وازيدها على الي سويتها من قبل بالهيل ويصبح فيها طعم الهيل ز
سؤالي:
إذا الي داخل بعدي ولد هذا السؤال له: س: كم بنت اتكلمت معاها واتعرفت عليها بالنت وكم بنت كلمتها صوتيا طبعا مو من محارمك ولا أقاربك؟؟؟
وإذا الي داخل بعدي بنت هذا السؤال لها : س: كم ولد اتكلمتي معاه واتعرفت عليه بالنت وكم ولد كلمتيه صوت طبعا نفس الشيء مو من محارمك ولا اقاربك ؟؟؟
(((((( هههههههه سؤال بجد محرج اتحدى الي يجاوب ومتأكدة انه الي يدخل ويشوف سؤالي حيطلع وماراح يجاوب بس بشوف بجد من الي يقدر ويجاوب جريئة صح ؟؟ ادري بس هو الي طرأ على بالي؟؟)))
تقبلوني
الأميرة الهادئة
.................................................. ...................

Falah

16-10-2010, 02:50 AM

بالنـت مـآعمـري كلمت بنـت ولآ اتصـآل . < يعنـي تبينـآ نصـدق :tongue_2_07:

كـم كـيلو قطعـت مشـي عـلى رجلينـك .؟ اكثـر شـي

الأميرة الهادئة

16-10-2010, 03:06 PM

ما ادري كم كيلو بي لما حجيت قطعت من قبل النفق الي بمنى لحد ماوصلنا للجمرات مشي
والله ما انسى قد ايش مشيت بالحج.
س محرج :
كم مرة بست على رأس امك وابوك وانت جاي من الدوام ولا وانت خارج بعمرك؟؟ وكم مرة باليوم؟؟
تحياتي
الأميرة الهادئة

ابو ريان

16-10-2010, 05:46 PM

الله يرضا علينا والله انا مقصرين ابوس راسها ممكن مرتين باليوم

لكن ابي اسئل اللي بعدي كم تعطي امك من مرتبك الشهري

Falah

17-10-2010, 03:07 AM

الله يرزقنـي الرآتـب

بس اذا عنـدي رآتـب مـآأقـصـر معهـآ وحتـى لـو تبـي مـآء عيـوني عطيتهـآ

اللي بعـدي يجـآوب.

كـم مصـروفـك الشهـري .؟

الأميرة الهادئة

18-10-2010, 12:17 AM

ههههههههههههههههههههههههههههههههه
يلعن الحظ
مصروفي الشهري قبل الوظيفة 200 ريال تقريبا او اقل بس مو اكثر
س محرج :
كم مرة حنيت وجلست مع اختك وسمعت شكاويها ؟؟ او كم مرة سمعتي لأخوك والي يضايقه؟؟

الداعي لله

18-10-2010, 01:53 AM

قليل وهذا صحيح لأنه قد يكون السبب هم لعدم بوح مافي صدورهم

الرجاء من الأميرة الهادئة أن تخفي الصورة وفقك الله لكل خير

لو تضعين نصر لعائشة رضي الله عنا لأجرتي بدلاً من الفتنة

س / كم مرة فاتتك صلاة الفجر الذي ذكر النبي صلى الله عليه وسلم أن من حافظ عليها ليس من المنافقين ؟

الوليد2010

18-10-2010, 03:08 AM

والله صرااحة كثير فاتتني صلاة الفجر جماعة
بس اصليها دائما بالبيت
س
كم يوم افطرت في شهر رمضان الفائت ؟؟؟

Falah

18-10-2010, 05:53 AM

اربـع ايـآم

تحـب عـصـير الربيـع .؟

هـذآ
http://up.arab-x.com/July09/m1V23744.jpg

الأميرة الهادئة

18-10-2010, 10:26 PM

طبعا من عصيراتي المفضلة

س محرج:
كم مرة اخذت او اخذتي عمرة ؟؟؟؟؟؟

عبد العزيز المحارب

18-10-2010, 11:01 PM

مرة واحدة

كم عمرك قبل سنتين ؟

الأميرة الهادئة

19-10-2010, 02:12 AM

هههههههههههههههههههههههههههههههههههههه
بجد ورطة ورطة
اممممممممممممممممممممممممممممممممممممممم
عمري قبل سنتين
هو
ناقص من عمري الحالي بسنتين ههههههههههههههه

س محرج :
كم مرة حجيت ؟؟ واخذت احد من افراد عائلتك على حسابك الخاص ؟؟

Falah

19-10-2010, 02:13 AM

20 سنـه

هـل اديـت فـريضـة الحـج .؟

الأميرة الهادئة

19-10-2010, 02:16 AM

جاوبنا بنفس التوقيت
نعم حجيت الفريضة .
كم مرة اخذت احد افراد العائلة وسافرت بهم لأي مكان على حسابك طبعا؟؟

الوليد2010

19-10-2010, 02:35 AM

ولا مرة اصلا انا ماحجيت تبيني احج بعائلتي لا وبعد على حسابي

س محرج
وين تعمل او اي صف تدرس ؟؟؟

Falah

19-10-2010, 02:54 AM

ادرس بالكـليـه ثـآنـي سنـه

تحـب الهـستـره والونـآسـه .؟

زعيم الملتقى

19-10-2010, 06:31 AM

الهسترة لالالا احبها

.................
الوناسة اكيد احبها

..........................

لو كنت لوحدك بالبيت وباب البيت مفتوح ودخل عليك هذا الضيف
v

v

v

v

v

v

v

v

v

v

v

v

v

v

v

http://www.el-awael.com/news/images/up/476500581a.jpg
وش موقفك اريد جواب صريح؟

الوليد2010

19-10-2010, 02:16 PM

اما عاااد هذا
اقوووله تعااال تقهو والشر مابه خيررر
طيب
س محرج
هل تشاهد قناة mbc one يومياااا ؟؟؟؟؟

الأميرة الهادئة

19-10-2010, 02:42 PM

لالالالالالالالالا ما اتابعها يوميا

س محرج:
كم اخت عندك او عندك؟؟؟؟؟ والصغيروونة كم عمرها؟؟؟؟

Falah

20-10-2010, 01:46 AM

عنـدي 6 وكلهن كبـآر

مـآهـي مـآركت جهـآزك الكمبيوتـر .؟

الأميرة الهادئة

20-10-2010, 02:08 AM

msi

ايش عملك اليومي المفضل لديك؟؟؟؟

Falah

20-10-2010, 02:58 AM

اطـقـطق عـلى الاب بالمنتـدى

وش يعنـي لـك المنتـدى .؟

الأميرة الهادئة

20-10-2010, 09:57 PM

يعني لي المنتدى أستطلاع ع كل شيء جديد ومعرفة المواضيع الجديدة واكتساب معلومات ومعرفة على كل شيء من حولي

س : في وقت فراغك ماذا تفعل ؟؟؟؟؟؟

الرجم العالي

20-10-2010, 10:21 PM

يعطيك العافيه على الموضوع الجميل

منيف الجميلي

20-10-2010, 11:09 PM

في وقت فراغي اطلع للبر واستانس
كم مره انتقدت انتقاد حاد؟

الداعي لله

20-10-2010, 11:13 PM

كثير
س محرج/
كم تقرأ صفحة من القرآن في اليوم ؟

قال تعالى : (وقال الرسول يا رب ان قومي اتخذوا هذا القران مهجورا (http://javascript<b></b>:showAya(25,30)))

منيف الجميلي

21-10-2010, 12:15 AM

احيانا اقرا واحيان لا
س كم مره زرت القبور؟

الأميرة الهادئة

21-10-2010, 01:00 AM

ولا مرة

س محرج:
هل تحصن نفسك يوميا بالعوذات وتفتح نهارك بذكر الله؟؟؟؟؟

Falah

21-10-2010, 02:37 AM

دآئمـآً

مـآلـون غـرفتـك .؟

ĦǾǿŁṧŧεή

21-10-2010, 01:33 PM

احمر في ذهبي ممزوج بلمسات من اللون الابيض

س/ هل قبلت رأس امك .؟

ابو ريان

21-10-2010, 01:59 PM

نعم اسئل ان الله يرحمنا

س / السؤال مين اكتر عضو دايما يناقدك في مواضيعك ؟؟

ĦǾǿŁṧŧεή

21-10-2010, 02:00 PM

الجميع فيهم الخير

لكن ابو راشد اكثر حظور في مواضيعي

لبى عنونه :)

منيف الجميلي

21-10-2010, 03:18 PM

كم مرة مسطك ابوك وانت صغير

الأميرة الهادئة

21-10-2010, 03:34 PM

هههههههههههههههههههههههه حلوة مسطك
ولا مرة الحمد الله

س:
في شهر رمضان الي راح كم مرة ختمت فيه المصحف؟؟؟؟

منيف الجميلي

21-10-2010, 03:51 PM

نص ختمه
كم مره تستغفر باليوم

الأميرة الهادئة

21-10-2010, 04:11 PM

طول ماني فاضية استغفر ربي

س: توصل رحمك ولا لا؟؟؟

الوليد2010

21-10-2010, 06:31 PM

بعض الشيء

طيب هل انت عاشقي العالمي ..؟؟؟

ĦǾǿŁṧŧεή

21-10-2010, 11:23 PM

بقووووه اه لو تدري وش اكثر احب العالمي

اللي بعدي هل انت من عشاق العالمي

زعيم الملتقى

21-10-2010, 11:27 PM

والله سؤال محرج مرررررة

اعوذ بالله

...................

كم عمرك؟

Falah

21-10-2010, 11:33 PM

22 <=-___العمـر كـله ان شـآءالله

مـآهـي هـوآيتـك.؟

ابو ريان

21-10-2010, 11:42 PM

البر وموسم صيد الكدري

اخر مغتبت شخص

Falah

22-10-2010, 02:50 AM

البـآرح < ههههههههههههههههههههههههـآي

الله العـآلم

تحـب ان تكـون دآعيـه او دآعـي الـى ديـن الحـق ( الاسـلآم) .؟

ابو يوسف

22-10-2010, 08:07 AM

دآعي الى دين الحق .

س/ هل فرحت عندما خرج الهلال من الآسيويه ؟ أم حزنت ؟

زعيم الملتقى

22-10-2010, 11:19 AM

الوعد الأحد

هل أنت خائف من الهلال عندما يلعب يوم الأحد مع النصر؟

ابو ريان

22-10-2010, 02:15 PM

انا ليس خااايف لااني هلالي

هل صليت الفجر

Falah

22-10-2010, 06:34 PM

نـعم صـليـت

هـل صـليـت الجمعـه .؟

عبد العزيز المحارب

22-10-2010, 09:54 PM

نعم

هل انت متزوج ؟

منيف الجميلي

22-10-2010, 10:51 PM

لا

كم مره فرجت كربه عن مسلم

ابو ريان

23-10-2010, 01:09 AM

الله اعلم

كم عدد رصيدك بالصراف الالي

الوليد2010

23-10-2010, 01:28 AM

الرصيد هو ooo خمس مئة وخمسوون ريااال

هل انت ريااااااااضي يعني sport ???

الأميرة الهادئة

24-10-2010, 04:29 PM

ههههههههههههههههههه
إذاكان قصدك امارس الرياضة فالاجابة نعم
اما لوكان قصدك احب متابعة الكرة وغيرها والتشجيع فالاجابة لالالا

س :
هل أحببت بصدق ؟؟ ومن احببت؟؟

زعيم الملتقى

24-10-2010, 06:01 PM

أكيد أحببت بصدق

أما من أحببت
.

.

.

.

.

.

.

.

.

.
أحببت الملتقى بشغف
..........................

هل سبق لك مسك الضب حيا وأكله طبعا بعد الطبخ؟