خلف المهدي
15-10-2008, 04:04 PM
كان الشاعر / قطيفان بن سلامة الجميلي ( أبو ثميل ) ، ساكن في الشمال ( عرعر وما حولها ) وكان له صداقة مع محافظ ( منصوب ) حفر الباطن الشاعر / حسين بن عادي ، وكان لهم صديق ثالث يدعى عوض بن مثيب المطيري ( أبو بداح ) .
وحدثت بينهم الكثير من القصائد من مساجلات وغيرها .
وذات مرة ذهب الأمير / حسين بن عادي ، والشاعر عوض بن مثيب كعادتهم إلى الشاعر / قطيفان الجميلي إلى الشمال فلما وصلوا له أكرمهم وضيفهم حق الضيافة ، فقال حسين بن عادي يخاطب عوض بن مثيب ، والله إن قطيفان ما قصر أكرمنا وقدم لنا من كل شيء وغمز لعوض ( وكان قصده تحريض عوض على قطيفان لتبدأ بينهم معركة القصيد ) ، فقال عوض ماذا عمل قطيفان ؟ هذا عوج رجلين ، وبدأ يسبه بالكلام ، فقال حسين أكيد كتبت فيه بعض القصيد فقال نعم ، قال عطناها :
قال عوض بن مثيب :
يا عوج رجلين تنزل بالبطاحي = ما تحط البيت في عرض البطيني
ما تحط البيت في قاع بياحي = لا تدسه عن طريق الغانميني
جابني راعي غنمكم يوم صاحي = يا عوج رجلين بيتك ما يبيني
فرد عليه قطيفان بن سلامة فقال :
لا تسب معزبك يا بو بداحي = ذابحٍ لك يا عوض كبش سميني
نازلٍ لي عقلة ماها قراحي = من بغاني مثلكم لزمٍ يجيني
يا شبيه اللي نبح با أقصى المراحي = تارسين ميلغه تمر وشنيني
أجدع ذيله متاليه الصلاحي = لا نبح تسمع طقاعه له خنيني
قال عوض ، وقد غير الطاروق وكان بجوار قطيفان ابنه ثميل وكان صغيرا :
أبو ثميل نازلن بين جالين = والبيت بانينه بمجرى الشعيبي
متى تعلمتوا على الطيب يا اثنين = احكوا وعدوا فعلكم ياللهيبي
ضيوفكم جوكم وراحوا مجيعين = واليوم أنا لا أكذب ولا أظلم نصيبي
قال قطيفان :
حنا نزلنا لك على جال مقرين = اللي يوصينا عليه الطبيبي
نبيك تستانس وتخزا الشياطين = ما ترمي اللطمة تقل وجه شيبي
شوشتك بيضا يا دقاق الكراعين = سب المعزب مثل شرب الحليبي
ياما ذبحنا لك شياه وخرافين = والمورة البيضا فراش الغصيبي
تاهو هلك من يوم سموك عيضين = وليه ما سموك موذا القريبي
ودي يخطروني بدالك ثمانين = أخير وأبرك منك يابن مثيبي
قال عوض : وقد استنجد بالشاعر حسين بن عادي
الله بلاني يا أبو عادي بكلبين = كلب كبير وجرو توه منيبي
وتناتفني كلهن بين جرفين = ولولا المسدس كان شقن جيبي
فتدخل حسين بن عادي ، وقال يا قطيفان أنا أبغى أساعد هالمطيري ( عوض ) ، ولكن لا نريد سب أو شتم وإنما سأعطيك بعض الألغاز وعليك الحل فوافق قطيفان
فقال حسين بن عادي :
أنشدك عن بنت لها اسم مشتهر = من دور نوح وعاد للعصر الجديد
ما تنتظر بالعين مير لها خبر = ما هو بقول قال ذا هرج وكيد
قال قطيفان :
إن كان مهي الروح ما عندي خبر = عن حلتي للغز مرماعي بعيد
تمشي مع الإنسان دام به العمر = وليا خذاه الموت ما يمه تعيد
أقر لك يا حسين وإلا لي تقر = واللي غلط منا يربط بالحديد
قال ابن عادي :
اللغز حليته خذيت به الفخر = لا شك أنا بانشدك عن لغز جديد
إما تحل اللغز وإلا لي تقر = وثمن تخط العجز والحاضر شهيد
أنشدك عن رجل علينا له قدر = والله عطانا إياه من رب وحيد
قال قطيفان :
إن كان مهو المي أنا لك بالخطر = محي العروق الميته لو هي هميد
والله عطاك البر واللي بالبحر = واللي يعرفون المعاني والنشيد
يا حلو حل اللغز حد المحتظر = وإن كان عندك شي عطني ما تريد
دامي عن الميلة مركبن النظر = لي بندق لغزت الشارة تصيد
أياك مشيك في السماحة والوعر = واحذر عن الطسات يالصبي الحميد
قال ابن عادي :
أنشدك يا بو ثميل عن عبد وحر = متعاقدين كلهم عقد جويد
متعاقدين لو هو على ضو الجمر = والله خلقهم سلكه لكل العبيد
قال قطيفان :
الحر هو والعبد عن المتجر = واللي شراهن يا عميلي يستفيد
ماريته لصار بالكاسة حمر = تطرب له العذرا ليا زاف البريد
وحدثت بينهم الكثير من القصائد من مساجلات وغيرها .
وذات مرة ذهب الأمير / حسين بن عادي ، والشاعر عوض بن مثيب كعادتهم إلى الشاعر / قطيفان الجميلي إلى الشمال فلما وصلوا له أكرمهم وضيفهم حق الضيافة ، فقال حسين بن عادي يخاطب عوض بن مثيب ، والله إن قطيفان ما قصر أكرمنا وقدم لنا من كل شيء وغمز لعوض ( وكان قصده تحريض عوض على قطيفان لتبدأ بينهم معركة القصيد ) ، فقال عوض ماذا عمل قطيفان ؟ هذا عوج رجلين ، وبدأ يسبه بالكلام ، فقال حسين أكيد كتبت فيه بعض القصيد فقال نعم ، قال عطناها :
قال عوض بن مثيب :
يا عوج رجلين تنزل بالبطاحي = ما تحط البيت في عرض البطيني
ما تحط البيت في قاع بياحي = لا تدسه عن طريق الغانميني
جابني راعي غنمكم يوم صاحي = يا عوج رجلين بيتك ما يبيني
فرد عليه قطيفان بن سلامة فقال :
لا تسب معزبك يا بو بداحي = ذابحٍ لك يا عوض كبش سميني
نازلٍ لي عقلة ماها قراحي = من بغاني مثلكم لزمٍ يجيني
يا شبيه اللي نبح با أقصى المراحي = تارسين ميلغه تمر وشنيني
أجدع ذيله متاليه الصلاحي = لا نبح تسمع طقاعه له خنيني
قال عوض ، وقد غير الطاروق وكان بجوار قطيفان ابنه ثميل وكان صغيرا :
أبو ثميل نازلن بين جالين = والبيت بانينه بمجرى الشعيبي
متى تعلمتوا على الطيب يا اثنين = احكوا وعدوا فعلكم ياللهيبي
ضيوفكم جوكم وراحوا مجيعين = واليوم أنا لا أكذب ولا أظلم نصيبي
قال قطيفان :
حنا نزلنا لك على جال مقرين = اللي يوصينا عليه الطبيبي
نبيك تستانس وتخزا الشياطين = ما ترمي اللطمة تقل وجه شيبي
شوشتك بيضا يا دقاق الكراعين = سب المعزب مثل شرب الحليبي
ياما ذبحنا لك شياه وخرافين = والمورة البيضا فراش الغصيبي
تاهو هلك من يوم سموك عيضين = وليه ما سموك موذا القريبي
ودي يخطروني بدالك ثمانين = أخير وأبرك منك يابن مثيبي
قال عوض : وقد استنجد بالشاعر حسين بن عادي
الله بلاني يا أبو عادي بكلبين = كلب كبير وجرو توه منيبي
وتناتفني كلهن بين جرفين = ولولا المسدس كان شقن جيبي
فتدخل حسين بن عادي ، وقال يا قطيفان أنا أبغى أساعد هالمطيري ( عوض ) ، ولكن لا نريد سب أو شتم وإنما سأعطيك بعض الألغاز وعليك الحل فوافق قطيفان
فقال حسين بن عادي :
أنشدك عن بنت لها اسم مشتهر = من دور نوح وعاد للعصر الجديد
ما تنتظر بالعين مير لها خبر = ما هو بقول قال ذا هرج وكيد
قال قطيفان :
إن كان مهي الروح ما عندي خبر = عن حلتي للغز مرماعي بعيد
تمشي مع الإنسان دام به العمر = وليا خذاه الموت ما يمه تعيد
أقر لك يا حسين وإلا لي تقر = واللي غلط منا يربط بالحديد
قال ابن عادي :
اللغز حليته خذيت به الفخر = لا شك أنا بانشدك عن لغز جديد
إما تحل اللغز وإلا لي تقر = وثمن تخط العجز والحاضر شهيد
أنشدك عن رجل علينا له قدر = والله عطانا إياه من رب وحيد
قال قطيفان :
إن كان مهو المي أنا لك بالخطر = محي العروق الميته لو هي هميد
والله عطاك البر واللي بالبحر = واللي يعرفون المعاني والنشيد
يا حلو حل اللغز حد المحتظر = وإن كان عندك شي عطني ما تريد
دامي عن الميلة مركبن النظر = لي بندق لغزت الشارة تصيد
أياك مشيك في السماحة والوعر = واحذر عن الطسات يالصبي الحميد
قال ابن عادي :
أنشدك يا بو ثميل عن عبد وحر = متعاقدين كلهم عقد جويد
متعاقدين لو هو على ضو الجمر = والله خلقهم سلكه لكل العبيد
قال قطيفان :
الحر هو والعبد عن المتجر = واللي شراهن يا عميلي يستفيد
ماريته لصار بالكاسة حمر = تطرب له العذرا ليا زاف البريد