منزال الربيع

[سيف العوده]

كنا في عطلة الربيع مع المرحوم فرج الفهران
عند ماطروا المنزال لديره قلت هذا الابيات


بادين بالمعتلي خالقن كل البشر=يامعدل عوج الاشوار يامبري السفيه
يوم قال سعود يافريج راحو لسفر=ذكر الولهان يانوح زاد الجرح فيه
عيني اللي حاربت نومها تبغى السهر=مايطبق جفنها نومها عيت تبيه
يوم ولع نور فهران جيت المحتظر=شفت شين لو تمنيت مانقدر عليه
شفت شين ينهز الروح ويزيد العمر=كاملات بالوصايف ولعب تشتهيه
ولو تصبرنا يقولون مافاد الصبر=حدنا فتح المدارس وشغلن نرتجيه
يوم زان الوقت والبال وروض الخضر=قلت يامحمد عسانا على الداير نجيه
شيب عيني يوم هدوا بيوتن للشعر=منتوينن يم قصرن وقلبي مايبيه
يافرج قل للجماعه يقيمون الشهر=لين قلبي ينتهي من هواجيسن تجيه
وكان ماطاعوك يالقرم رد النا الخبر=من نوا المرحال قله ولا تزعل عليه

[عبد العزيز المحارب]

صح لسااانك ولاهنت

[الأمير]

صح لسانك .... والى الامام

[النداوي]

صح لسانك ......... لاهنت

[الإداري]

.... صح لسانك ....

[أبوديمه]

صح لسااااااااانك يابووو عبد الله وبيض الله وجهك

[خلف المهدي]

صح لسانك

وإلى الأمام

[ابو يوسف]

صح لسااااانك يابو عبدالله
دائماً مبدع وبيض الله وجهك
موفق بإذن الله ... لك مني أجمل تحية .

[محسن الثنيان]

صـــــــــــح لســـــــــــــانك

[فهد المحارب]

صح لسانك

ويعطيك العافيه
والله يرحم أموات المسلمين