سيف العوده
27-04-2010, 01:36 PM
وصف المقناص بالعراق
فات نجم الكليب وراح حر السموم=واقبل سهيل يالقناص نجم البراد
اتحر طلوعه كل ليله ويوم= اسهر الليل كله ماهتني بالرقاد
ناوين يم دار اللي نواه القروم=يم دار يونسني بطير الهداد
ناوي الغانمي وسدير زين الحزوم= والابيض نمره وارتفع للحماد
زين شرب القهاوي والوقد له جروم= بين ربع نشاما ومواتر جداد
كل رجل يماري عن طيره يزوم=قالو فلان شاف وقالو فلان صاد
معهم طيور خمسه وافيات الرسوم=كاملات الوصايف ماخلطهن سواد
معهم الفارسي والجير مثل السهوم=والجرودي وطير الشام فيه العناد
والشمالي ليامن هد خربه يقوم= شايفه في عيونه شوفتن له وكاد
قام يلعب عليه وقام فوقه يحوم=مرتهي في لحوقه لو نوا بالبعاد
كل رجلن يبشر جامعن للحوم= والجهازات تنده قالو فلان زاد
كملو في قنصهم لين برق الغيوم=بين شيحه وقيصومه ورمث وعراد
يوم هلة مطرها باشرت بالوسوم=واخضر الروض والمعبود للارض عاد
وختلط نبتها وريح فيها يعوم=انفل والبختري واليهق فيه جاد
ذي حلات القنص يالله تقضي اللزوم= طالبك ياولي العرش تقضي المراد
يتمنون للمعبود ربن رحوم= بالوناسه وتالي العمر فيه النفاد
ماعليهم من اللي بالملامه يلوم=يوم ولد المهبا راقدن بالوساد
جعل ربي عليها في حياها يدوم=ماتجيها الصروف ولاتجيها الجراد
لين ينبت خضرها فوق روس الرجوم=ماتشوف البعير ولاتشوف الجياد
فات نجم الكليب وراح حر السموم=واقبل سهيل يالقناص نجم البراد
اتحر طلوعه كل ليله ويوم= اسهر الليل كله ماهتني بالرقاد
ناوين يم دار اللي نواه القروم=يم دار يونسني بطير الهداد
ناوي الغانمي وسدير زين الحزوم= والابيض نمره وارتفع للحماد
زين شرب القهاوي والوقد له جروم= بين ربع نشاما ومواتر جداد
كل رجل يماري عن طيره يزوم=قالو فلان شاف وقالو فلان صاد
معهم طيور خمسه وافيات الرسوم=كاملات الوصايف ماخلطهن سواد
معهم الفارسي والجير مثل السهوم=والجرودي وطير الشام فيه العناد
والشمالي ليامن هد خربه يقوم= شايفه في عيونه شوفتن له وكاد
قام يلعب عليه وقام فوقه يحوم=مرتهي في لحوقه لو نوا بالبعاد
كل رجلن يبشر جامعن للحوم= والجهازات تنده قالو فلان زاد
كملو في قنصهم لين برق الغيوم=بين شيحه وقيصومه ورمث وعراد
يوم هلة مطرها باشرت بالوسوم=واخضر الروض والمعبود للارض عاد
وختلط نبتها وريح فيها يعوم=انفل والبختري واليهق فيه جاد
ذي حلات القنص يالله تقضي اللزوم= طالبك ياولي العرش تقضي المراد
يتمنون للمعبود ربن رحوم= بالوناسه وتالي العمر فيه النفاد
ماعليهم من اللي بالملامه يلوم=يوم ولد المهبا راقدن بالوساد
جعل ربي عليها في حياها يدوم=ماتجيها الصروف ولاتجيها الجراد
لين ينبت خضرها فوق روس الرجوم=ماتشوف البعير ولاتشوف الجياد