انواع الرجال في البر

[السرية]

والله ان الجو خيالي والكشته في هالجو ماقالت لا ..
مجتمع انت وربيعك على ذيك الضوية الي يحبها قلبك ومعاميلك حولك ..
قهوتك وحليبتك وشويهيك حول الضوية وبريق الزنجبيل ... اسأل الله الجنة يارب
ولا تزين الجلسة الا وصوت الماطور يرن في اذنك رن ..

طبعا في المكشات لازم يكون هناك امير لتوجيه خاصة اذا كانوا من 3 وطالع

على العموم ودي اشرح انواع الرجاجيل في الكشتات ..

1 - رجال من حولك ودونك ووراك تلقاه مايجلس.. مره يذري عن النار ومره يفوح الما
ومره يغسل فهذا النوع من الرجال مالك غناة عنه في الكشتات (شقردي)
وللعلم ان هالنوع من الرجال مبسوووووط وهو يشتغل يعني مستمتع

2- رجال وده يشتغل بس يبيلك دبره وتامره امر وتوجهه وهذا النوع من الرجال يعني
ان خذته معك نفع وان ماخذته ماضر ..

3- رجال وده يشتغل ومتحمس بس يخرب عليك اشياء كثيره يعني( نكبه )
مثل الي يبي يغطي القدر وكب العشا على النار .. طفت النار وعشا مافيه ..
فهذا النوع من الرجال يبيله تعليم وتوجيه وعلاجه تخليه يغسل المواعين ويجهز بعض الأمور .

4- رجال ماله ومال الكشتات لو يجلس في بيتهم احسن له بس يبي
كل شي حوله حتى يالله يقوم يقضي حاجته ..واذا امرته قام يماطق ويأفئف ..
فهذا النوع من الرجال احذر تطلع معه لأنه مهب نافعك بشي ابد
وان طلع معك فرح و اتركه في البر عشان يتعلم امور المرجله.

طبعا كتبت هذا الموضوع وانا لست بكامل بل الكمال لله سبحانه ..يعني يمكن انا اطلع من النوع رقم 4 ..

[ENGINEER]

يعطيك العافية
فعلا الرجال تختلف وكل يتميز في حاجة وبعض الرجال مثل ماقلت أخوي مامنه فائدة

[خلف المهدي]

3- رجال وده يشتغل ومتحمس بس يخرب عليك اشياء كثيره يعني( نكبه )مثل الي يبي يغطي القدر وكب العشا على النار .. طفت النار وعشا مافيه ..فهذا النوع من الرجال يبيله تعليم وتوجيه وعلاجه تخليه يغسل المواعين ويجهز بعض الأمور .

ههههههههههههههه

عز الله إنك ما قلت إلا الصحيح

الله يجزاك كل خير

[@ القناص @]

هههههههههههههههههآآآآآي

آلله يعطيك آلعآفيه على آلآصنآف من آلرجآل

آحترآمي

[السرية]

http://img102.herosh.com/2010/02/06/533401978.gif

[الرمح]

الله يعطيك العافية أبو تركي والجلسة معاك ماتنـــــــــــــــــــــــــــــــــــمل والله يسعدك أبو تركي موضوع مميز
:s_thumbup:

المملووووووح

[الساطع]

مشكووووورر على النقل الراااائع

وفعلا الكل منا يختلف عن الاخر


موفق بإذن الله ... لك مني أجمل تحية .

[مرماوي من نصيف]

جزاك الله خيرا

[مرماوي من نصيف]

جزاك الله خيرا
موضوع قيِّم

[البسامي]

السلام عليكم ورحمة الله وبركاته
شـكــ وبارك الله فيك ـــرا لك ... لك مني أجمل تحية .
البســـــــــــــــــــــــامي 000

[المهند]

موضوع جميل عن الرجال

[الأمير]

فعلا هذه صفاة بعض الرجال في البر
اشكرك جزيل الشكر