علي الجميلي
25-06-2008, 04:13 PM
لا والله الا حدرت زرق الأدماع = البارحة حين الخلايق هجوعي
سود الطواري أدلجت بالي بساع =أدعت عروق القلب شمع(ن) يموعي
غدى لها بين المحاني تمزاع= خطرن صميم الجاش منها يفوعي
ياخوي أنا أرهي للزمن بالتوقــــــاع =وأرهى الزمن شلفا تخج الضلوعي
طاوعت صلف الوقت والوقت ماطاع =خالف زماني مشتهايا وطوعي
ناس(ن) يجيها حظها بالتمريــــــــاع = وناس(ن) تضَيع فجها للسنوعي
أعوي عوى السرحان بالنزل لاجاع=بالشعر ولا بسكبان الدموعي
هذي علومي كانك أرخيت الأسماع =طرق الشعر يروي ظمايا وجوعي
شديت قافي ويتطوع تطــــــــــــواع =وعليك رده وأنت رجال توعي
وأنت الفطين ليا دعيتك على الداع =نوعك يشابه بالأحاسيس نوعي
عجَل علي ذا الحين يامبارك الساع=ياعزوتي يامسندي يالفزوعي
وصلاة ربي عد ماينبت بقــــــــاع =على شفيع الناس يوم الجموعي
سود الطواري أدلجت بالي بساع =أدعت عروق القلب شمع(ن) يموعي
غدى لها بين المحاني تمزاع= خطرن صميم الجاش منها يفوعي
ياخوي أنا أرهي للزمن بالتوقــــــاع =وأرهى الزمن شلفا تخج الضلوعي
طاوعت صلف الوقت والوقت ماطاع =خالف زماني مشتهايا وطوعي
ناس(ن) يجيها حظها بالتمريــــــــاع = وناس(ن) تضَيع فجها للسنوعي
أعوي عوى السرحان بالنزل لاجاع=بالشعر ولا بسكبان الدموعي
هذي علومي كانك أرخيت الأسماع =طرق الشعر يروي ظمايا وجوعي
شديت قافي ويتطوع تطــــــــــــواع =وعليك رده وأنت رجال توعي
وأنت الفطين ليا دعيتك على الداع =نوعك يشابه بالأحاسيس نوعي
عجَل علي ذا الحين يامبارك الساع=ياعزوتي يامسندي يالفزوعي
وصلاة ربي عد ماينبت بقــــــــاع =على شفيع الناس يوم الجموعي