{ نبه القصيد } للشاعر/ مانع بن سلوم البذالي

[{ نبه القصيد }]

{ نبه القصيد }




بأذن الولي وانشاء لي رًب الأقـــدار¤ أنا لها دام القصيدأنتسـب لــــــــــي





عندي من القدره على نظم الأشعــــار ¤ متميز عن جيل بعدي وقبلــــــــي






وليا أستوت بين الهواجيس وأفكـــــار ¤ وازنتها في هندسه واستوتلــــي






النــادرات من الفــرايد والأبكـــــــــار¤ من كثرهن مدري وشأخذ وأخلـــي






وللشعر في بالي متاهات واســــــــرار¤ ومن غبة السبع البحوريحصلــــي






وان كدروا بالي غريبين الأطـــــوار ¤ من خاطري نهج القوافي تسلـــــــي





لأن(الأدب) ماهو بألاعيب لصغـــار¤ ناس خذتها في كبــــر وبتعلــــــــي





ومصدق نفسه وعايش هالأدوار ¤ ويقول باشعاره انا اللي هو اللـــــي






يسرد وهو يدري على قوله غبـــــــار¤ ليته عن دروب القصايد يولــــــــي





وانا هوا بالي على شبـــةالنـــــــــار ¤ مع خوة اللي في خويه يهلـــــــــي






ومزهب دله مع البن وابهــــــــــــــــار¤ فنجــال وياه السـوالـف تسلـــــــــي






في خايع ساقيــــــه من غيــــث الادرار¤ نبته على عشب الحيا مستظلـــــــي






وسميــــة جادت عليــهابالامطـــــــــار¤ سيله يحرث من الثرامايدلــــــــــي






خضــــرا تفوح بها نواويروازهـــــار ¤ راوي ثراها رش ديــما يهلـــــــــــي






يحيي من الباذر إلى حــــدالاشجــــار¤ مالذ واللي طـــاب منها متدلــــــــــي






هي منوة اللي ضاق من باب وجــــدار ¤ وعن زحمة الديره خفوقـه يتلــــــي





يمد شوفـــه في صحاصيح وقفـــــــــار ¤ لو هو مشاها وابتعد مايملـــــــــــي





والذ مابالعمر حـــزات الأذكـــــــــــــار¤ والمسعد اللي في حياته مصلــــــي






كلـن يقـــول اللي علـى خاطــــــــره دار ¤ وأنا ترا {نبه القصيد} أنتبهلــــــي




الشاعر




مانع سلوم بن فريح البذالي




{ نبه القصيد }

[{ نبه القصيد }]

يسرني ان اهدي هذه القصيده لموقع الجميل آملا ان تحوز على رضاكم
واشكر مقدما كل من سيقراء القصيده
ونعتذر ان كان فيه تقصير بالردود لكثرة الانشغال بامور الدنيا
{ نبه القصيد }

[@ القناص @]

حياك الله اخوي نبة القصيد اسعدنا تواجدك

الله يعطيك العافيه على القصيدهـ ومنتدى قبيلة الجميل الهلاليه

يستااااااهل كل خير وانت ايضا كريم والمنتدى يستاهل

صح السااااااان ابدعت في القصيدهـ

دمت بود وحدائق من ورد

@ القنااااااااااااااص @

[المخضرم]

الشاعر/مانع البذالي

صح لسانك على هذه القصيده الجميله أتمنى لك التوفيق

تقبل مروري ودمت بود وعافيه..........


الشاعر/فهدالنصافي

[فواز المطلق]

بارك الله فيك اخ / مانع البذالي

وقصيده جزله ... بنتظار جديدك


تقبل مروري...



الكاسبر

[الاحترام]

صح لسانك ولسان الشاعر مانع سلوم البذالي وهو غني عن التعريف وشاعر جزل

نيه القصيد شكرا لك على القصيده


تقبل مروري

[خلف المهدي]

وللشعر في بالي متاهات واســــــــرار¤ ومن غبة السبع البحوريحصلــــي


صح لسانك

قصيدة في غاية الإبداع

[الأمير]

صح لسانك قصيدة في غاية الروعه في الوصف والابداع

[{ نبه القصيد }]

القناص & المخضرم & الكاسبر & بن شفاقه & خلف المهدي & الامير

شكرا من اعماق قلبي

صح الله ابدانكم

شهادتكم غاليه

كلامكم له اهميه

لو اكتب مية حرف مقابل كل حرف كتبتوا

بظني لايكفي
تقبلوا تحياتي
اخوكم
{ نبه القصيد }