(الشاعر معطاب ) تاعبين عليه المتجر

[إدارة الملتقى]

:eek:هذه القصيده للشاعر/معطاب بن مسيعيد الجميلي نوردها حسب طلب الاخ بندرالعجمي وهي من القصائد التي تتميز بوصف الهاف0000








راكب اللي تعبين عليه المتجر=هاف حيث الهاف ماله مع العالم وجود
احمر سته وستين لوحاته سمر= في ثلاثين الف بالضبط للبيع محدود
واشتراه اللي يبي قطف نوار الزهر=دافع كل الثمن كاش مايطلب قصود
ومرنه وسط البلد لين وافق للسفر=ماتغالى فيه دفع الخساير والنقود
ودخله عقب التمرن كراجات النمر= لاجل تكميل اللحايق وتدبيل العضود
دبل السبرنق عل لايميل وينهصر=والتواير جددن طقم بريجستون سود
وحمله من عند خيطان وجنب للبحر=مع تقاطيع الشعيبه على مينا سعود
ويدهج الوفره ومنها مشى عقب الظهر =ناحر الكبريت ماله عن المركز صدود
جاك مثل مجادع الذيب معطيهم نحر= حاذف نفسه تحت عين حلال العقود
ومرهم في غفلة ماخذو عنه حذر =واوجسو حسه وهم قبل رقاد سجود
وطلبوه اخوان رشده يقصون الاثر=خلو الرشاش قفوه مثل قصف الرعود
يطردون الهاف ماعندهم علم وخبر= وهو جديد ولاقضب طارته رخو الزنود
ماركة مصنع امريكا مهو دوج وشفر= وارد كل يخبره مجرب ومحمود
يطنخ السايق بحسه ايلامنه زفر=عند مايذكر غرابيل نزلات وصعود
صافي منه النواظر تحير وتفتكر= اسرد ودك تغطيه عن عين الحسود
المواتر كالكواكب وهو مثل القمر=مايسبه كود كوبان والهيس الربود

[بندر العجمي]

مشكور اخوي 000وصح السان معطاب000وسمعت هاالقصيده من خوه ابوممدوح وارجو من خوي هل ابوممدوح بقي حيث لي منه تقريب 3سنين ورجومنكم زيارته حيث يوجد عنده قصيد وسوالفن زينه وشكرا

[خلف المهدي]

ما شاء الله

فعلا قصيدة رائعة جدا

صح لسان الشاعر

وصحت أنامل الناقل

[ذيب الخلا]

صح لسان الشاعر


وشكرالناقل

[خاص]

قصيدة جميلة ورائعة


شكرا لك

[ماجدالجميلي]

صح لسان الشاعرالكبير



معطاب المسيعيد

[رحال]

السلام عليكم ورحمة الله وبركاته،،،

يعطيك العافيه على النقل الرائع للقصيده الرائعه لشاعرها(معطاب الجميلى)،،،

ولكن أرى أن فى القصيده نقص وعدم ترتيب ربما أكون مخطىء ولكن حسب ماسمعتها أنقل لك القصيده،،،


راكب اللــى تاعبين عليـــه المتجــــــر ،،،،، هــاف يــوم الهاف مــاله مع العــالم وجـود
اشتراه اللــى يبى قطف نوار الزهـــــر ،،،،، فى ثلاثين الــــف بالضبط للــــبيع محـــدود
ومرنا وسط البلد لين وافق للسفــــــر ،،،،، ماتغـــالابه كــثير الخســـايــــر والنقـــــــود
ودخله عقب التمرن كراجــات النمـــــر ،،،،، لاجل تكميل اللحـــايق وتدبيــــل العضـــود
دبل السبرنغ علـــه يميــل وينهصــــــر ،،،،، والتواير جددن طــــقم برجستون ســــــود
حمله من عند خيطان واجنب للبحــــر ،،،،، من تـقاطـــيع الشعيبه على مينة ســعود
وراح للوفره ومنها مشى وقت الظهــر ،،،،، وراح للكبريت ماله على النقطـــه صــــدود
وجاك مثل مجادع الذيب معطيهم نحر ،،،،، حاذفن نفسه تحـــت عيــن حلال العقـود
ومرهم فى غفلة قبل يوخذله حـــــذر ،،،،،واونسو حسه وهــــم قبــل رقــاد سجـود
يطردون الهاف ماعندهم علم وخبـــــر ،،،،، هو جديد ولاقضب طـــارته رخـــو الزنــــود
انحذف كنه قطــاة موحشـــها الذيــــر ،،،،، كل مــاقــــالوا نبى نلحـــقه لنـــه يــــزود
يطنخ الســـايق بحســه الا منه زفـــر ،،،،، عند مايذكــــر غرابيــل نــزلاتــه صعـــــود
تايره يفرى الزبــاره ولو كــــانت وعـــر ،،،،، يشرح العرج المخشم ورمــــلات الرهـــود
أحمرن سته وستين لوحــــاته سمــر ،،،،، أسردن ودك تغطيه عن عـين الحســـــود
ماركة مصنع أمريكا ماهو دوج وشفـر ،،،،، واردن كلــــن يعـرفـــه مجـرب ومحـمــــود
المـــواتر كالكــواكب وهو مثل القمــر ،،،،، مايسبه كــود كوبــان والهيـــس الـربــــود
اعتــرض لــه وتــولاه لــين انــه يقـــر ،،،،، واطلع اللى به من أوساخ من عاد وثـمود
كود واحد خاملن خملتن له واعتــذر ،،،،، ندمح الـــزله وندمـــــح عجـاريف الفــــهود
ينتبه عن مثلـــــها لايــزل بها القــدر ،،،،، تكبر الدعوه وتطـــوى المجاذيب العــــدود

وسلامتك،،،

أخوك/ رحـــــــــــال،،،

[خلف المهدي]

شكرا يا أخ رحال

ولكن أظن أن الأبيات التالية ليست من القصيدة ، لأنها خرجت عن المعنى



اعتــرض لــه وتــولاه لــين انــه يقـــر = واطلع اللى به من أوساخ من عاد وثـمود
كود واحد خاملن خملتن له واعتــذر = ندمح الـــزله وندمـــــح عجـاريف الفــــهود
ينتبه عن مثلـــــها لايــزل بها القــدر = تكبر الدعوه وتطـــوى المجاذيب العــــدود

[رحال]

شكرا يا أخ رحال

ولكن أظن أن الأبيات التالية ليست من القصيدة ، لأنها خرجت عن المعنى



اعتــرض لــه وتــولاه لــين انــه يقـــر = واطلع اللى به من أوساخ من عاد وثـمود
كود واحد خاملن خملتن له واعتــذر = ندمح الـــزله وندمـــــح عجـاريف الفــــهود
ينتبه عن مثلـــــها لايــزل بها القــدر = تكبر الدعوه وتطـــوى المجاذيب العــــدود

حياك الله أخوى أمين المجلس،،،

القصيده رواها سعود أبوممدوح للأخ حسن الهزيمى تسجيل فى شريط كاسيت عندى وسعود أبوممدوح أخ الشاعر معطاب حسب ما أعرف،،،

ومن ضمن القصائد التى رواها سعود أبوممدوح للشاعر معطاب الجميلى مختصره لطولها،،،

(راكب اللى يهيل القلب برنوقه ،،،،، مربع كنه الباكيت مطفاقى)

وأخرى،،،

(ياراكب اللى عليه الكتم مشخوطه ،،،،، أربعه وستين كنه مشى خياطى)

ومن ضمن القصائد التى يرويها سعود أبوممدوح قصيده للشاعر(فهيدالباطح)والتى يقول مطلعها:

(حلو لذات الولع والجهل زين ،،،،، يوم الهوى ينقاد للمهتوينى)

وقصيده للشاعر(مطلق الأصقه) والتى يقول مطلعها:

(أمس الضحى نطيت أنا راس شمحاط ،،،،، شمحاط لطيور الحرار المرابيط)

وأما القصيده التى كتبها أخونا العزيز سعد الجميلى مأخوذه من الراوى الشمرى وذلك حسب ماسمعتها من الراوى وماكتب سعد الجميلى،،،

ولكم منى كل التقدير والإحترام،،،

أخوكم / رحـــــــــال،،،

[سنداللافي]

صح لسان الشاعر


وشكرالناقل

[خلف المهدي]

شكر لك يا أخ رحال وبارك الله فيك

وأرجوا من الأخوة الكرام ( ولا هو قصور في أخي رحال ) التأكد من الأبيات الثلاثة الأخيرة هل هي من ضمن هذه القصيدة أم لا .

[رحال]

شكر لك يا أخ رحال وبارك الله فيك

وأرجوا من الأخوة الكرام ( ولا هو قصور في أخي رحال ) التأكد من الأبيات الثلاثة الأخيرة هل هي من ضمن هذه القصيدة أم لا .



ياهلا بالغالى أمين المجلس،،،

بالنسبه للأبيات الثلاث فى آخر القصيده والتى أشرت بأنها خرجت عن المعنى وهى،،،

اعترض لـه وتـولاه ليـن انـه يقـر
واطلع اللى به من أوساخ من عاد وثمود
كود واحد خاملن خملتـن لـه واعتـذر
ندمح الزله وندمـح عجاريـف الفهـود
ينتبه عن مثلهـا لايـزل بهـا القـدر
تكبر الدعوه وتطوى المجاذيب العـدود


قبل الأبيات الثلاث هناك بيت يقول:

المواتر كالكواكب وهومثل القمر ،،،،، مايسبه كود كوبان والهيس الربود

أى أن الشاعر معطاب يعترض للى يسب الفورد ويتولاه لين إنه يقر ويطلع اللى به(ويقصد هنا اللى يسب الفورد) من أوساخ من عاد وثمود،،،

(أَعْترِضْ لَهْ ) أى أن الشاعر معطاب هنا يدافع عن الهاف من اللى يسبه لين يقر،،،

ولم أرى أن البيوت الثلاث خرجت عن المعنى وأتمنى أن التوضيح كان واضح يالغالى،،،

ولك منى أطيب كل التقدير والإحترام،،،

أخوك / رحـــــــــال،،،

[الكـ،،،،،،ايف]

صح لسان الشاعر وسلمت يد الناقل والقصيدة لم تكتمل لانها اطول من ذلك (انا اذكر شطر يقول انحذف كنه قطاتن موحشها الذير))

[محسن الجميلي]

اتمنى ان كل واحد يكتب قصيده او يروي شي انه يجيبه بالشكل الصحيح


لان فيه بعض القصايد مهن كاملات بصراحه

لكن ان شاء الله راح اتخرج بعد ثلاث اسابيع وراح اتفضى للمنتدى

[ابو معطاب]

اشكر الاخوان على النقل ولكن القصيدة فيها كثير من الأخطاء ولكن سأزودكم بنسخة صحيحة وكاملة عن قريب انشاء الله ( ابن الشاعر معطاب مسيعيد الجميلي)

[خلف المهدي]

اشكر الاخوان على النقل ولكن القصيدة فيها كثير من الأخطاء ولكن سأزودكم بنسخة صحيحة وكاملة عن قريب انشاء الله ( ابن الشاعر معطاب مسيعيد الجميلي)


حياك الله أبا معطاب

الساعة المباركة حضورك المميز

أخي الكريم أبو معطاب كم نحتاج لمثلك لتصحيح قصائد والدك الشاعر الكبير ولتزويدنا بها ، فنحن ننقل من غيرنا

لذلك نتمنى منك التواصل وتزويدنا بقصائد والدك لإدراجها وحفظها كديوان لأبيك


وفقك الله

[ابو معطاب]

ابشروا بكل خير بس اصبروا حتى ارجع للبيت اربع ايام بالكثير ان شاء الله

[خلف المهدي]

تسلم

وكفو والله

[أبوديمه]

صح لسان الشاعر الكبير معطاب


الله يعطيك العافيه

[@@الملك@@]

http://img196.imageshack.us/img196/7649/1999b.png (http://img196.imageshack.us/i/1999b.png/)

[خلف المهدي]

نشكر أخي الكريم أبو معطاب على وضع القصيدة الصحيحة من والده الشاعر الكبير : معطاب بن مسيعيد بن حفر الجميلي

ويتم إغلاق هذا الموضوع لأن القصيدة فيها بعض الأخطاء

وتفضل معنا للقصيدة الصحيحة والكاملة هنا :

http://www.aljmeel.net/vb/showthread.php?p=132622#post132622