الشاعر : عافت الاميّر - من ضيقة البال عز الله نفد صبري

[بشير فهد]

الشاعر : عافت الاميّر


من ضيقة البال عز الله نفد صبري
وشلون ابرتاح و انا فاقدٍ غالي

الغايب اللي حداه الصد لو يدري
ما لامني لا طرى شيٍ على بالي

لو يدري بغيبته عن عودي المبري
ما غاب عني و لا خلاني لحالي

حتى و انا بمجلسي مشغول به فكري
ما بين ربعي و كني بالخلا الخالي


يا كبر قدره و عمره بالغلا كبري
شمعه غرامي و حلم العمر و امالي

ما فز قلبي لغيره و اعتلا صدري
و لا هتف بالمحبه قلبه الا لي

الغالي اللي بعينه بيّنن قدري
اما تعنيت له و الا تعنالي

لو الليالي تبين عذره و عذري
ما شفت لك غاليٍ يشفق على غالي