الشاعر : يوسف هادي ~ سلام ياللي تنطحهم هبوب البراد

[بشير فهد]

الشاعر / يوسف_هادي



سلام ياللي تنطحهم هبوب البراد
في قاع صاحت به الورقاء بخضر الجريد

في ليلتن بدرها يجلي ستار السواد
ونجومها كنها الالماس توه جديد

تومي سنا النار بالارطى ليامنه زاد
كنها ليا اومت تنادي بالطروش البعيد

من فوق صنع اللذي مايعرفون الشداد
و لا يعرف الرسن و لا يعرفون قيد

صنع الخواجات يوم الله شاء و اراد
جمع قطعها بعلم ملينين الحديد

لادقها سلف صوتك يااصهيل الجواد
وصوت المرواح لحونك يامغني النشيد

سواقها ما ارتعد لامنه حان الطراد
لامنه ثوّر مع البضاك ععج الطريد

اللي قفاه يحداه العج يمشي حياد
لامن نزل حيد نطت بالنبا راس حيد

تصبح بواد وتغيب الشمس في وسط واد
وفل التوانك من الوجعان والا المديد

يابو بدر وش علام الشوق بالصدر زاد
طال المفارق ولاعينه ساعي البريد

لامن ذكرته حداني من طواريه حاد
تشعل بصدري على ذكراه نارن وقيد

جدنا بوصله وهو جاز الوصل بالبعاد
لاعادك الله جودن عند شخصن عنيد

قد قالوا النار ماهي ترث الا سماد
وانا زرعت الغلاء في قلب خلن بليد

وقد قالوا الحي يلقى حيه بلا وعاد
وش حيلة اللي هجر خله وهو يوم عيد

لكن علم عشيري كانها ب العناد
الهجر بالهجر ناويهم بشر الوعيد

وي الله ياكافلن رزقن ب يد العباد
تقسم لنا رزق لاحركت منه يزيد