قصيدة مهداة لبدر نايف علي العنتري الشاعر متعب صلفيق الجميلي

[متعب صلفيق]

نحمد الله ربنا رب العبادي
نشكره في كل يوم وكل ليله

ياسلامي يابدر قرم المبادي
عد ما لاحت بروقن بالمخيلـه

فرحتن بك يابدر مثل العيادي
يابن نايف بن علي مثلك نجي له

ياعسى الافراح دايم بازديادي
والسعاده جعلها عندك نزيله

انت من لابه ليا صاح المنادي
توردون العـد و اليمنى طويله

للخوي محزم وسمـن للمعادي
ياجمالن ماتشيل الا الثقيلة

محتسين المرجله علمن وكادي
منبعن للجود والمدة جزيلة

يامزونن سيلها مع كل وادي
يابذور الخير ياطيب الحصيله

لا جلكم يالعنتري جبت الجدادي
اقدح الجزله مثـل قدح الفتيلـه

والختام المسك والعنـبر وكادي
من جميلي شام عن طرق الهزيله

الشاعر متعب بن صلفيق الجميلي

https://youtu.be/bNImuzANLlE

[ابو يوسف]

صح لسانك يابو نايف

شاعر جزل والممدوح يستاهل

[متعب صلفيق]

صح ابدانك

تسلم وفق الله