من ضيقة البال عز الله نفذ صبري

[عافت الأميّر]

من ضيقة البال عز الله نفد صبري
وشلون ابرتاح وانا فاقدٍ غالي

الغايب اللي حداه الصد لو يدري
ما لامني لطرى شيٍ على بالي

لو يدري بغيبته عن عودي المبري
ما غاب عني و لا خلاني لحالي

حتى و انا بمجلسي مشغول به فكري
ما بين ربعي و كني بالخلا الخالي

يا كبر قدره و عمره بالغلا كبري
شمعه غرامي و حلم العمر و امالي

ما فز قلبي لغيره و اعتلا صدري
و لا هتف بالمحبه قلبه الا لي

الغالي اللي بعينه بيّنن قدري
اما تعنيت له و الا تعنالي

لو الليالي تبين عذره و عذري
ما شفت لك غاليٍ يشفق على غالي


عافت الاميّر