لغز أنشدك عن شخصين والاسم عنوان

[المخضرم]

اخواني واخواتي السلام عليكم يسعدني ان اضع بين
ايديكم هذا اللغز من انتاجي لتنشيط ذاكرة كل واحد منا
لكن اللي ارجوه منكم ان لايرمع اي واحد الا وهو متأني
ومتروي اترككم مع اللغز ...........................

أنشدك عن شخصين والاسم عنوان....كل ٍيحب فراق واحد لحاله

اللي يوريك التعاسه ليا بان...... واخوه الاخرفيه طيب وجماله

واللي يحاول جمع الاخوين خسران ...يبي هذاك وصار الاقشربداله

الشاعر/فهد النصافي

[ابو عتيق]

انا هنا اهنيك على هذا الانتاج المبدع

ولغز جديد علينا
ولكن تحتاج الى وقت كافٍ للحل

امهلنا وصبر جميل

[ALWRDH]

ياهلابك يالمخضرم وصح لساااانك انااا عندي رمعااااااات كثيره بس مدري عن الصواااااب ...اخااااف اقول ويطلع حطأ؟؟؟؟؟؟
.................................................. ...ودمتم,,,,,,,,,,,,,,,,,,,,

[ALWRDH]

..............رمعتي يمكن يكون الطيب والردى,,,,,,,,,,,,,,,,

والاشرايك يالشاعر؟؟؟؟؟؟؟؟؟؟
وانتم وشراااايكم؟؟؟؟؟؟؟؟؟؟
وينكم؟؟؟؟؟؟؟؟؟؟

[الأفلاج]

أنا أقول التجارة

( فيها الربح والخسارة )


والله أعلم

[المخضرم]

الجميلي والورده وابو عتيق

مالكم لوى والله يعطيكم العافيه

فهد النصافي

[ALWRDH]

خذيت من الوقت كثير وانا افكر اخوي فهد انا عندي رمعه آخيره وارجوإنها تطلع صح,,,,,,,,,,,,؟؟؟؟؟؟؟؟؟؟؟

[ALWRDH]

أنشدك عن شخصين والاسم عنوان....كل ٍيحب فراق واحد لحاله

اللي يوريك التعاسه ليا بان...... واخوه الاخرفيه طيب وجماله

واللي يحاول جمع الاخوين خسران ...يبي هذاك وصار الاقشربداله

اعتقدإنه اللي يوريك التعاااسه ليابان هومرض السكري واللي فيه طيب وجماله هو السكر اللي نشربه بالشاي ارجو انها تكووون صح؟؟؟؟؟؟؟؟؟؟؟

ودمتو سااالمين,,

[المخضرم]

الورده
يعطيك العافيه على المتابعه والمحاولات الجيده
لحل اللغز والحل كما تفضلتي هو مرض السكر
والسكر اللي نشربه بالشاهي وارجو من الاخوان
المتابعه والحماس الورده تفوقت عليكم وين الحماس
المهم يالورده النظام اللي عندنا ان اللي يحل اللغز
يجيب لغز من عنده والله يعينك تطرحين لغز للمنتدى


الشاعر / فهد النصافي

[ALWRDH]

الحمدلله آخيرا رمعتي طلعت صح.............وصح لساااانك ,,,, وصح بداااني ,,,,بس ماله داعي توهقني انا مومجهزه شي من الالغاز الحين انشاء الله بعدين يصيرخير,,,,,,,,,,
ودمتم’’’’’’’’’’’’’’’’

[العالمي]

مبروك الحل اختنا الوردة
ودنا نكون مثل حماس الوردة لكن الظروف لها احكام

والله يعينك على اللغز الجديد

والموضوع يحتاج الى متابعة يوميا
شكرا فهد شكرا وردة

[الحسين محمد]

كلك حلا يالمخضرم وشاعر مخضرم فعلا

مبروك يالوردة والله ماانتي بسيطة:p_03bad_1:

[ALWRDH]

العالمي وسعد الله يبارك فيكم والحل كان سهل بس يبيله تفكير شوي.........
سعد حلوه هاذي ماانتي بسيطه......ههههههههه,,,,,
ولا يهمك إزهلهااااا انا لهاذي ومثلهااا وللي أزود منهاااا بعد,,,,,,,,,

[المخضرم]

الورده
يعطيك العافيه وماشاء الله عليك
لكن الله يعينك عجلي باللغز يقول
المثل من برك للحمل يشتاله وانتي
قدها ننتظرك .....................

الشاعر فهد النصافي

[خاص]

ياسلام لغز نادر ووارد ,,,



المخضرم فهد فكرك جزل وشاعر جزل

[المخضرم]

الاديب
يعطيك العافيه على مرورك الجميل
ان شاء الله اعجبك اللغز والقصايد
القصايد جايه بالدرب والمحاورات
والألغاز وانت شاعر تعرف الشعراء
وبصفتك رئيس مجلس الاداره
الله الله وانا اخووك بالامانه والعدل
بين الناس وانت أهل لذلك وإعطاء كل
شخص ما يستحقه كل حسب مكانته
والا يكون للمجاملات نصيب الاسدوالقلم امانه
اتمنى لك التوفيق انت مسؤل عن منتدى
قبيله كل العالم تشاهد هذا المنتدى

اخووك الشاعر/فهدالنصافي

[خلف المهدي]

ما شاء الله لغز رهيب جدا لا يأتي إلا من متمكن مثل الأخ فهد

ومبروك يالوردة ، ما شاء الله عليك على هذا الفكر

[فواز البذالي]

فهد الانصافي

صح لسانك لغز كايف بمعنى الكلمة

اللغز اذبحتة الاجودية بالسكر

الله لا يهينها

تحياتي

[المخضرم]

فواز البذالي

يعطيك العافيه على مرورك الجميل

والدرب عليك يقولون إنك تحب المحاوره وانا مدري لكن ان شاء الله نجس نبضك ونشوف

تحياتي...............

الشاعر/فهد النصافي