تل قلبي تل وارد صناعة طوكيو [الأرشيف] - ملتقى ومجالس قبيلة الجميل الهلالية ( الموقع الرسمي )

مشاهدة النسخة كاملة : تل قلبي تل وارد صناعة طوكيو

المخضرم

30-07-2009, 03:33 PM

بسم الله الرحمن الرحيم

اخواني مشرفين واعضاء وزوار منتدى قبيلة الجميل السلام عليكم ورحمة الله وبركاته يسعدني ان اكون ضمن اخواني في منتدى الجميل وان شاء الله اقدم مايحووز على رضاكم واستحسانكم

انا دخلت بإسم مستعار وهو المخضرم لكن اسمي الحقيقي هو الشاعر فهد بن سويلم النصافي وكلكم تعرفوني بلا شك ويسعدني ان اقدم لكم هذه القصيده الجديده والا القصائد كثيره والخير واجد والحمد

لله والجايات اكثربصراحه انا تأخرت عنكم بسبب المشاغل لكن نعوضكم عن اللي فات واشكر القائمين على المنتدى واتمنى لهم التوفيق والسداد واقوول لهم لامانع من الترحيب والاشاده ههههههههههه

تل قبي تل وارد صناعة طوكيو.........جيب لند كروز جكسار مامثله مثيل

فتح بيبانه على لمس بصمه صممو....واشتغاله غير لمس الدريول مستحيل

كنه اللي صممت في قواعد حرب جو....حملوها بالذخاير من الوزن الثقيل

وكن لونه لون غيمٍ حداه العصر نو........سايقه رب البريات ماغيره وكيل

صانعينه صممو كل شي ٍ به نيو..........فيه كل مواصفات الجيوب آخرمديل

لاملكته صرت كنك من اصحاب السمو.....مايهمك ياخلف لاكثير ولاقليل

سايقه راعي معاميل مايشرب ديو.........مايكيف عمسته غير من فنجال هيل

لامشى جبار ولياسرابه مرس دو........متكل بالواحد اللي على خلقه كفيل

منك ياللي شب داخل حنايا القلب ضو....يامضريني على البعد والهم الطويل

في يديك القلب واللي تسوي فيه سو.....مالي الا أصبر على بعدكم صبرٍجميل

أكتم الاسرار والناس عني مادرو.......لاعبن بي هرجها بالخفاء يابو سهيل

كان بعد اللي جرالي تنحو وابعدو.......والله إنه لو يطول الزمان ابقى عليل

السلام ومرحبا فيك هاوريو هلو.......مانوصلها بياهو ولا بالهوتميل

من لساني لك على طول يالمحبوب قو....ياشبيه الريمي اللي جفل له من مقيل

مالقينامثل حلياك مع حضروبدو..........جعل كل البيض تفداك ياضافي الجديل

ماشيٍ برضاك والناس رضيو وزعلو....وانت تجزاني على طيبتي جمر ومليل

تل قلبي تل جلمود صخرٍمن علو........من علوه حطه السيل في بطن المسيل

وان بغيت اقول ما بالخفوق اصعب واقو.....كان ما انت مصدق القول جبنا لك دليل

لاتناقشني شياطين فكري جهزو..........ما حسبنا باللقاء لادقاق ولاجليل

الشاعر/فهد بن سويلم النصافي

الحسين محمد

30-07-2009, 04:12 PM

لاملكته صرت كنك من اصحاب السمو.....مايهمك ياخلف لاكثير ولاقليل

سايقه راعي معاميل مايشرب ديو.........مايكيف عمسته غير من فنجال هيل

اهلا ومرحبا بالشاعر المعروف فهد بن سويلم النصافي
واسعد اللحظات وجودك الغالي بيننا فمثلك شاعر جزل
يحرص على متابعته والتزود من قصائدك يزيدنا شرفا
وجمالا .

والمنتدى يفتح صدره للترحيب بك وبقصائدك.

ابو عابد

30-07-2009, 04:36 PM

تل قبي تل وارد صناعة طوكيو.........جيب لند كروز جكسار مامثله مثيل

فتح بيبانه على لمس بصمه صممو....واشتغاله غير لمس الدريول مستحيل

كنه اللي صممت في قواعد حرب جو....حملوها بالذخاير من الوزن الثقيل

وكن لونه لون غيمٍ حداه العصر نو........سايقه رب البريات ماغيره وكيل

صانعينه صممو كل شي ٍ به نيو..........فيه كل مواصفات الجيوب آخرمديل

لاملكته صرت كنك من اصحاب السمو.....مايهمك ياخلف لاكثير ولاقليل

يا هـلا يا هـلا ومرحبا بالشاعر المعروف / فهد سويلم النصافي (( وهل يخفى القمر ))

اولآ احيييك معنا وساعة مباركة اللي جيت هنا ,,
وان شاء الله نستفيد منك وتستفيد مننا ,,

ومصافحة رااائعة وصح لسااااااااااااااااااانك على القصيدة المميزة

والله يرز قنا ويااك لاند كروزر جكس ار اخر موديل

وانا اشهد مامثله مثيل

:

:

العالمي

30-07-2009, 05:00 PM

قصيدة جميلة
صح لسانك وعلا شانك

الكونكورد

30-07-2009, 05:24 PM

صح لسان الشاعر فهد السويلم وتسلم اناملك على هذه
القصيدة

المخضرم

30-07-2009, 07:47 PM

الكونكورد ـــــ العالمي ـــــ ابو عابدـــ سعد الجميلي

يعطيكم العافيه على الترحيب والاستقبال الطيب وهذا ليس غريب عليكم وعلى مروركم الجميل وان شاء الله اكون عند حسن الظن

مشكورين اخواني وعسى الله يبارك في جهودنا جميعاً

تحياتي..........................

الشاعر/فهد النصافي

فواز الجميلي

30-07-2009, 10:00 PM

الاخ/ فهد حياك الله وبياك
قصيدة رائعة وجميلة

خاص

30-07-2009, 11:00 PM

الشاعر المخضرم : فهد

أهلا بك في محلك

شرفت ونورت

يسعدنا بكل تاكيد انضمامك ،،

ولو تجيب أبو هلا ... ياحبذا ...وسلم لنا عليه ,,,

المخضرم

31-07-2009, 12:23 AM

فوازالجميلي ......والاديب

يعطيكم العافيه على المرورالجميل والكلام العذب

وانتظروا الجديد

الشاعر/فهد النصافي

الأفلاج

31-07-2009, 03:04 PM

بصراحة وأقولها صادق

قصيدة جزلة جدا وتستحق التصفيق

وماسمعت في هذا الوصف مثلها

لاملكته صرت كنك من اصحاب السمو.....مايهمك ياخلف لاكثير ولاقليل

البرواز

31-07-2009, 04:40 PM

صح لسانك يا فهد
قصيدة جزلة ورائعة وتوصيف جميل

المخضرم

31-07-2009, 04:40 PM

الجميلي

عسى اعجبك الوصف ههههههههههههههههههههه

الله يعطيك العافيه على الكلام العذب والاسلوب الحسن
وابشر بعزك هههههههههههه وانتظروا القصايد جايه بالدرب

اخووك الشاعر/فهد النصافي

خلف المهدي

31-07-2009, 05:02 PM

يا مرحبا بالشاعر الكبير / فهد بن سويلم النصافي

نورت المنتدى بحضورك

وزينته بهذه القصيدة الجميلة

صح لسانك يا شاعرنا

وننتظر إثراء هذا المنتدى بقصائدك الرائعة

المخضرم

31-07-2009, 05:36 PM

خلف الجميلي

يعطيك العافيه على مرورك الجميل

وان شاء الله اقدم مايحووز على رضاكم واستحسانكم

اخووك الشاعر/فهد النصافي

ALWRDH

31-07-2009, 11:09 PM

ياهلا فيك يالمخضرم يسعدنا وجودك معنا في منتدانا وأهنئك على ثقتك الزايده بنفسك وصح لسااااانك مليوووون لكن انا سمعت ردووود كثيره على قصيدتك انشاءالله اكتبها بالمنتدى حال توفرها وصح لسااانك و((تستاااااهل))ودمتم سالمين

المخضرم

31-07-2009, 11:29 PM

الورده
يعطيك العافيه على مرورك الجميل
عطرتينا بالكلام الطيب والاطراء
ههههههههههههههه
لكن اي ردود اللي تقولين الله يجيب
الخير والمطر وحيا الله الشعر والشعراء

الشاعر/فهد النصافي

ALWRDH

01-08-2009, 02:47 PM

المخضرم اذا كان موتركم باللمس فهناااك من يقول ان مواااترهم( ماتداني اللمس) وهذاا حسب كلامهم ههههههههه

تل قلبي تلة الجمس في قاع ن خلو مايداني اللمس توه مجهز للرحيل
كامل ن بالوصف عني وناقينه نقو مثل ماقال النصافي: مامثله مثيل
ما خذينه كاش نقدي ما جانا هدو مظهرينه بإسم راعيه مانبغى كفيل
ذاخره لأجل المهمات ماهو للهو سايقه زبن الونيااات ماساقه هبيل
من سلايل روس قوم على الطوله ظرو لابةن تمشي على الطيب والفعل الجزيل
منك ياللي لو حدوني لبعدك ماحدو العدوووو يبطي بغله و لا يبرد غليييل
وهي لشاااعره وليس لشااعروالقصيده اطول من ذلك والظاهر انك سامعهااا يالمحضرم ولكن فقط للتذكيرولقدسمعت مجاارااات اخرى وكثيره لقصيدتك(طوووكيوووو)
صح لسااانك المخضرم وصح لسااانهم جميع ودمتم

المخضرم

01-08-2009, 05:15 PM

الورده

فعلاً أنتي وردة المنتدى ماشاء الله عليك مبدعه بكل ماتطرحين من مواضيع

بصراحه مجهودك واضح ونشاطك ملموس انتي لك اسهامات كثيره بالمنتدى

بصراحه اشكرك على أهتمامك بالشعر وسلمتي على نقل قصيدة الشاعره اللي

ردت على قصيدتي فعلاً القصيده وصلتني من قبل وشكراً للشاعره قصيدتها وافيه

صح لسانها وسلمت اناملك على النقل علما ان هناك شعراء وشاعرات جاروا

قصيدتي ....... دمتي بود وعافيه يا أختي

الشاعر/فهدالنصافي

ALWRDH

01-08-2009, 05:22 PM

حاااااضرين يالمخضرم لخدمة الشعر والشعراء ويستاهلون الطيبين وصح لساااانك مره اخرى ودمتم,,,,,,,,,

الحسين محمد

01-08-2009, 05:22 PM

الرد جميل جدا شكرلمتابعتك وردتنا....لاكن من هي صاحبة القصيدة؟

وياليت شاعرنا فهد ينشر هنا ردود الشعراء الذين جاروا قصيدته

ليكتمل الجمال وهي مجملة وراعيهامجمل.

أبو ألماس

01-08-2009, 09:11 PM

صح لسانك وتسلم على هذه الابيات الرائعة

شاعر جزل وقصيدة جزلة

شكرا على هذا الإبداع

المخضرم

01-08-2009, 09:20 PM

ابوألماس

يعطيك العافيه على المرور الجميل
ومشكور من الاعماق اخي .........
تحياتي...........
الشاعر/فهدالنصافي

ابو عتيق

02-08-2009, 02:40 PM

صح لسانك المخضرم فهد
ياليت تجيب لنا المجاراة على حسب كلامك وياليت تذكري لنا من هذه الشاعرة يا الوردة

ودمتم سالمين

راع الجنيفا

02-08-2009, 05:32 PM

قصيدة رائعة جدا

جمعت بين القصيد القديم والجديد وطعمها ببعض مفردات اللغة الانجليزية

وفي احد الابيات يشير الى قصيدة امريء القيس

مكر مفر مقبل مدبر معا ...... كجلمود صخر حطه السيل من علِ

ليثبت انه قادر على طرق جميع ابواب الشعر

وانا شخصيا اعدت قراءتها ثلاث مرات
تحية للشاعر الجزل فهد النصافي رغم اني شخصيا من المتابعين والمعجبين بشعره هو والشاعر الكبير حسين لنصافي

شكرا يافهد وانا بانتظار رائعة اخرى منك

المخضرم

02-08-2009, 05:56 PM

راعي الجنيفا

يعطيك العافيه على المرور الجميل

وشكرا على الاطراء الطيب كلك ذووق

ونحن مداد لشعراء الماضي يالغالي
اتمنى من الله التوفيق ونحذو حذوهم

الشاعر/فهد النصافي

الكـ،،،،،،ايف

11-08-2009, 01:25 PM

لاملكته صرت كنك من اصحاب السمو.....مايهمك ياخلف لاكثير ولاقليل

سايقه راعي معاميل مايشرب ديو.........مايكيف عمسته غير من فنجال هيل

لامشى جبار ولياسرابه مرس دو........متكل بالواحد اللي على خلقه كفيل

منك ياللي شب داخل حنايا القلب ضو....يامضريني على البعد والهم الطويل

في يديك القلب واللي تسوي فيه سو.....مالي الا أصبر على بعدكم صبرٍجميل

أكتم الاسرار والناس عني مادرو.......لاعبن بي هرجها بالخفاء يابو سهيل

صح لسانك على هذه القصيدة الجميلة والرائعه
لدي استفسار على ماوضعته باللون الاحمر (خلف... ابوسهيل) لمن تسند القصيده بين هؤلاء
ولك ودي

المخضرم

11-08-2009, 01:45 PM

الكايف

يعطيك العافيه على مرورك الجميل

القصيده مسندها عليهم كلهم ليه

عندك مانع انت بعض القصايد تسند على كثير من الرجال

ويذكر اسماءهم كلهم يالغالي ومشكور انت الظاهر انك شاعر

والله اعلم يا مشرف القصيد

فهدالنصافي

فوازالبريك

16-08-2009, 11:12 AM

ماشيٍ برضاك والناس رضيو وزعلو....وانت تجزاني على طيبتي جمر ومليل

تل قلبي تل جلمود صخرٍمن علو........من علوه حطه السيل في بطن المسيل

وان بغيت اقول ما بالخفوق اصعب واقو.....كان ما انت مصدق القول جبنا لك دليل

تصوير جميل شاعرنا المخضرم.... رائعه تلك القصيده ... من اثرها كان لها مجارات من احدى الشاعرات وبصراحه للامانه كانت المجاره جميله جداً
بكل ود ... وصدقني.. اعرفك جيداً بشخصيتك وشاعريتك ...

المخضرم

17-08-2009, 12:09 AM

فواز البريك

يعطيك العافيه على مرورك الجميل وشكراً على الاطراء الطيب والكلام الجميل

كلك ذوووق وكلك نظر هههههههههههه

عطرتنا بمرورك الجميل ... ....

الشاعر/فهد النصافي

ابن عريفج

17-08-2009, 12:22 AM

من لساني لك على طول يالمحبوب قو....ياشبيه الريمي اللي جفل له من مقيل

مالقينامثل حلياك مع حضروبدو..........جعل كل البيض تفداك ياضافي الجديل
صح لسانك